ജാവ 42 ഐവറി ആമസോണിലും ഫ്ലിപ്കാർട്ടിലും

കൊച്ചി: ജാവ 42 ഐവറി മോട്ടോർസൈക്കിൾ ഇനി Amazon.in, ഫ്ലിപ്കാർട്ട് എന്നിവ വഴി ഓൺലൈനായി ബുക്ക് ചെയ്യാം. അടുത്തിടെ വിപണിയിലെത്തിയ ഈ മോഡലിന് റൈഡർമാരിൽ നിന്ന് മികച്ച പ്രതികരണമാണ് ലഭിക്കുന്നത്. ക്ലാസിക് ഡിസൈനും ഐവറി നിറവും റെട്രോ സ്റ്റൈലിംഗും ഈ മോഡലിന്റെ പ്രധാന ആകർഷണങ്ങളാണ്. 350 സിസി വിഭാഗത്തിലെ ശക്തമായ ജെ-പാന്തർ ലിക്വിഡ്-കൂൾഡ് എൻജിൻ, 6-സ്പീഡ് ഗിയർബോക്സ്, മികച്ച ആക്സിലറേഷൻ, നഗര യാത്രയ്ക്കും ദീർഘദൂര റൈഡുകൾക്കും അനുയോജ്യമായ പ്രകടനം എന്നിവയും മോട്ടോർസൈക്കിളിന്റെ പ്രത്യേകതകളാണ്. രാജ്യത്തുടനീളമുള്ള ഉപഭോക്താക്കൾക്ക് എളുപ്പത്തിൽ വാഹനം സ്വന്തമാക്കാൻ ഇ-കൊമേഴ്‌സ് പ്ലാറ്റ്‌ഫോമുകളിലെ ലഭ്യത സഹായിക്കുമെന്ന് കമ്പനി അറിയിച്ചു.