നാലിൽ കൂടുതൽ പണം പിൻവലിച്ചാൽ എസ്.ബി.ഐ 15 രൂപ ഈടാക്കും

കൊച്ചി: എസ്.ബി.ഐയുടെ ബേസിക് സേവിംഗ്‌സ് ബാങ്ക് ഡെപ്പോസിറ്റ് (ബി.എസ്.ബി.ഡി) അക്കൗണ്ടുകൾ വഴി ബ്രാഞ്ച് ചാനലിലൂടെ നടത്തുന്ന പണം പിൻവലിക്കലുകൾക്കുള്ള പുതുക്കിയ നിരക്കുകൾ ഒക്ടോബർ 1 മുതൽ പ്രാബല്യത്തിൽ വരും. പ്രൊഡക്ട് കോഡ് 10111701 ഉൾപ്പെടുന്ന ബേസിക് സേവിംഗ്‌സ് ഡെപ്പോസിറ്റ് അക്കൗണ്ടുകൾക്കാണ് ഈ മാറ്റം ബാധകമാകുന്നത്. പുതുക്കിയ നിരക്കുകൾ പ്രകാരം ഉപഭോക്താക്കൾക്ക് ഓരോ മാസവും നാല് പണം പിൻവലിക്കലുകൾ സൗജന്യമായി തുടരാം. ആദ്യ നാല് പിൻവലിക്കലുകൾക്ക് ശേഷമുള്ള ഓരോ ഇടപാടിനും 15 രൂപയും ബാധകമായ ജി.എസ്.ടിയും എസ്.ബി.ഐ ഈടാക്കും.