ഗംഗാധരൻ സുരേഷ്‌കുമാറിന് വിഎച്ച്പി പുരസ്‌കാരം

ലണ്ടൻ: മത, സാമൂഹിക രംഗത്തെ ദീർഘകാല പ്രവർത്തനങ്ങൾക്ക് ഗംഗാധരൻ സുരേഷ്‌കുമാറിന് ഗ്ലോബൽ ഹിന്ദു സ്‌പിരിച്വൽ ആൻഡ് കൾച്ചറൽ സെന്റർ പുരസ്‌കാരം നൽകി ആദരിച്ചു. നിലവിൽ ശ്രീനാരായണ ഗുരു മിഷൻ ഓഫ് ദ യു കെയുടെ ആർട്‌സ് ആൻഡ് സോഷ്യൽ സെക്രട്ടറിയായി പ്രവർത്തിച്ചു വരികയാണ് അദ്ദേഹം. ദീർഘകാലമായി ശ്രീനാരായണ ഗുരു മിഷനിലും പൊതു രംഗത്തും പ്രവർത്തിക്കുന്ന സുരേഷ്‌കുമാർ ഗായകനും നടനുമാണ്. വികാസരത്ന ഡോ. ശിവശ്രീ കെ പിച്ചൈ ശിവാചാര്യരുടെ സാന്നിദ്ധ്യത്തിലുള്ള ചടങ്ങിലാണ് പുരസ്‌കാരം സമ്മാനിച്ചത്.