രാഹുൽ ഗാന്ധിയെയും പ്രിയങ്കയെയും വിട്ടയച്ചു, വിഷയം പാർലമെന്റിൽ ഉന്നയിക്കുമെന്ന് പ്രതിപക്ഷ നേതാവ്  

രാഹുൽ ഗാന്ധിയെയും പ്രിയങ്ക ഗാന്ധിയെയും വിട്ടയച്ചു

ന്യൂഡൽഹി: പ്രിയങ്ക ഗാന്ധിയെയും രാഹുൽ ഗാന്ധിയെയും വിട്ടയച്ചു. ഇവരുടെ അറസ്റ്റ് രേഖപ്പെടുത്തിയില്ലെന്നാണ് സൂചന. വിഷയം പാ‌ർലമെന്റിൽ ഉന്നയിക്കുമെന്ന് ലോക്‌സഭ പ്രതിപക്ഷ നേതാവ് രാഹുൽ ഗാന്ധി.

കോൺഗ്രസ്  പ്രതിഷേധത്തെ  തള്ളി  കേന്ദ്ര  സർക്കാർ

കോൺഗ്രസിന്റെ പ്രതിഷേധത്തെ കേന്ദ്ര സർക്കാർ തള്ളി. രാഹുൽ ഗാന്ധിയെ വിമർശിച്ച കേന്ദ്രമന്ത്രി ജിതേന്ദ്ര സിംഗ്, പാർലമെന്റിൽ ചർച്ച വേണമെന്നാണ് രാഹുൽ ആദ്യം ആവശ്യപ്പെട്ടതെന്നും, ചർച്ചയ്ക്ക് തയ്യാറാണെന്ന് സർക്കാർ അറിയിച്ചപ്പോൾ അദ്ദേഹം നിലപാട് മാറ്റുകയാണുണ്ടായതെന്നും പറഞ്ഞു. മന്ത്രിയുടെ രാജി വേണമെന്നാണ് രാഹുലിന്റെ പുതിയ ആവശ്യം. പറഞ്ഞ വാക്ക് ഇങ്ങനെ മാറ്റുന്നത് ദൗർഭാഗ്യകരവും ജനാധിപത്യത്തിന് ചേരാത്തതുമാണെന്ന് മന്ത്രി വിമർശിച്ചു.

രാഹുൽ ഗാന്ധിയുടെ മുഖത്ത് പരിക്ക്, കോൺഗ്രസ് നേതാക്കളെ മാറ്റാൻ നെയിം ബോർഡില്ലാത്ത പൊലീസ്

എം.പിമാർ ഉൾപ്പെടെയുള്ള കോൺഗ്രസ് നേതാക്കളെ മാറ്റാൻ നെയിം ബോർഡില്ലാത്ത പൊലീസുകാർ. നടപടി തിരിച്ചറിയൽ ഒഴിവാക്കാനെന്ന് ആരോപണം.

രാഹുൽ ഗാന്ധി അറസ്റ്റിൽ, പ്രതിപക്ഷ എംപിമാരെ വലിച്ചിഴച്ച് പൊലീസ്

പ്രധാനമന്ത്രിയുടെ വീടിന് മുന്നിൽ പൊലീസ് നടപടി ആരംഭിച്ചു. പ്രതിപക്ഷ നേതാവ് രാഹുൽ ഗാന്ധിയെ അടക്കം റോഡിലൂടെ പൊലീസ് വലിച്ചിഴച്ചു.

കൂടുതൽ ജനങ്ങളോട് സമരത്തിനെത്താൻ ആഹ്വാനം ചെയ്‌ത് രാഹുൽ ഗാന്ധി

യോഗേന്ദ്ര യാദവും സമര സ്ഥലത്തെത്തി. അനുനയ ശ്രമത്തിന് പൊലീസും. പാറ്റകൾക്കൊപ്പം പ്രതിഷേധം ശക്തമാക്കി കോൺഗ്രസ്.

ആഭ്യന്തര സെക്രട്ടറി ജിതേന്ദ്ര സിംഗ് രാഹുൽ ഗാന്ധിയുമായി നടത്തിയ ചർച്ചയിൽ തീരുമാനമായില്ല. ചർച്ചയ്ക്ക് ശേഷം ജിതേന്ദ്ര സിംഗ് മടങ്ങി. കോൺഗ്രസ് നേതാക്കളുടെ പ്രതിഷേധം തുടരുകയാണ്.

റോഡിൽ കുത്തിയിരുന്ന് സമരം തുടർന്ന് കോൺഗ്രസ് നേതാക്കൾ. അനുനയശ്രമം പരാജയപ്പെട്ടാൽ പ്രധാനമന്ത്രി പ്രതിപക്ഷനേതാവുമായി നേരിട്ട് ചർച്ച നടത്തുമോ എന്നാണ് എല്ലാവരും ഉറ്റുനോക്കുന്നത്.

ആഭ്യന്തര സെക്രട്ടറി അടക്കമുള്ളവർ സമര വേദിയിലെത്തി പ്രതിപക്ഷ നേതാവ് രാഹുൽ ഗാന്ധിയുമായി സംസാരിക്കുന്നു.

സിജെപി സമരത്തിന് പിന്തുണ അറിയിച്ച് അരവിന്ദ് കേജ്‌രിവാളും രംഗത്ത്.

പ്രതിഷേധം ശക്തമായതോടെ സ്ഥലത്ത് കൂടുതൽ കേന്ദ്ര സേനയെ വിന്യസിച്ചു.

പ്രധാനമന്ത്രിയുടെ നിർദ്ദേശ പ്രകാരം സമരം അവസാനിപ്പിക്കാനുള്ള അനുനയ ശ്രമം തുടരുന്നു.