
ന്യൂഡൽഹി: ഇന്നു മുതൽ 11 വരെ നീളുന്ന ഇന്തോനേഷ്യ, ഒാസ്ട്രേലിയ, ന്യൂസിലാൻഡ് സന്ദർശനത്തിനായി പ്രധാനമന്ത്രി നരേന്ദ്ര മോദി ഇന്ന് പുറപ്പെടും. പ്രസിഡന്റ് പ്രബോവോ സുബിയാന്റോയുടെ ക്ഷണപ്രകാരം ഇന്നു മുതൽ 8 വരെ പ്രധാനമന്ത്രി ഇന്തോനേഷ്യ സന്ദർശിക്കും.
പ്രബോവോയുമായി ഉഭയകക്ഷി കൂടിക്കാഴ്ച, യുനെസ്കോ ലോക പൈതൃക സ്ഥലമായ യോഗകാർത്തയിലെ പ്രംബനൻ ക്ഷേത്ര സന്ദർശനം, ഇന്ത്യൻ പ്രവാസികളുടെ പരിപാടി എന്നിവയിൽ പങ്കെടുക്കും.
ജൂലായ് എട്ടു മുതൽ 10 വരെ ഒാസ്ട്രേലിയ സന്ദർശിക്കുന്ന പ്രധാനമന്ത്രി മെൽബണിൽ ഒാസ്ട്രേലിയൻ പ്രധാനമന്ത്രി ആന്റണി അൽബനീസുമായി ഉഭയകക്ഷി ചർച്ച നടത്തും. ഒാസ്ട്രേലിയൻ ഗവർണർ ജനറൽ സാം മോസ്റ്റിൻ എസിയെയും കാണും.
ജൂലായ് 10, 11 തീയതികളിലാണ് ന്യൂസിലാൻഡ് സന്ദർശനം. നാല് പതിറ്റാണ്ടിനിടെ ഒരു ഇന്ത്യൻ പ്രധാനമന്ത്രി ന്യൂസിലാൻഡിലേക്ക് നടത്തുന്ന ആദ്യ ഔദ്യോഗിക സന്ദർശനമാണ്. ന്യൂസിലാൻഡ് പ്രധാനമന്ത്രി ലക്സണുമായി ഉഭയകക്ഷി ചർച്ച നടത്തും.
|
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |