വനിതാ പ്രതിഷേധക്കാരെ മർദ്ദിച്ച ഹിന്ദുരക്ഷാ ദൾ പ്രവർത്തകർ അറസ്റ്റിൽ

ന്യൂഡൽഹി: ശനിയാഴ്‌ച ഡൽഹിയിൽ നടന്ന പ്രതിഷേധത്തിനിടെ സ്ത്രീകളെയും വിദ്യാർത്ഥികളെയും മർദ്ദിച്ച നാല് ഹിന്ദു രക്ഷാദൾ പ്രവർത്തകരെ പൊലീസ് അറസ്റ്റ് ചെയ്തു. മർദ്ദന ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിച്ചതിനുപിന്നാലെയാണ് നടപടി. ഡൽഹി,​ ഗാസിയാബാദ് സ്വദേശികളായ രാമൻ സൈനി (50), വിവേകാനന്ദ് (32), കപിൽ കുമാർ (27), രവീന്ദർ സിംഗ് (35) എന്നിവരാണ് അറസ്റ്റിലായത്. പരാതി ലഭിച്ചില്ലെന്നും ദൃശ്യങ്ങൾ പരിശോധിച്ചശേഷം സ്വമേധയാ കേസെടുത്തതാണെന്നും പൊലീസ് അറിയിച്ചു.

പ്രതികൾക്കെതിരെ നടപടി ആവശ്യപ്പെട്ട് സി.ജെ.പി ഉൾപ്പെടെയുള്ള സംഘടനകൾ രംഗത്തെത്തിയിരുന്നു.