നീറ്റ് പുനഃപരീക്ഷാഫലം പ്രഖ്യാപിച്ചു,​ 11 ലക്ഷത്തിലധികം വിദ്യാർത്ഥികൾ യോഗ്യത നേടി

ന്യൂഡൽഹി: നീറ്റ് പുനഃപരീക്ഷയുടെ ഫലം പ്രഖ്യാപിച്ചു,​ പരീക്ഷയെഴുതിയ 11 ലക്ഷത്തിലധികം വിദ്യാർത്ഥികൾ യോഗ്യത നേടി. യോഗ്യത നേടിയവരിൽ 58 ശതമാനവും പെൺകുട്ടികൾ ആണ്. പഞ്ചാബിൽ നിന്നുള്ള ആര്യൻ ഗുപ്ത,​ ഹരിയാനയിൽ നിന്നുള്ള പൻഷുൽ ബെൻസാൽ എന്നിവർ 715 മാർക്ക് നേടി ടോപ് സ്കോറർമാരായി.

രാജ്യത്തെ 551ഉം വിദേശത്തെ 14 ഉം നഗരങ്ങളിലായി 5454ലേറെ പരീക്ഷാകേന്ദ്രങ്ങളിലാണ് പരീക്ഷ നടന്നത്. ചോദ്യപേപ്പർ വിവാദത്തെ തുടർന്ന് കേന്ദ്രസേനയുടെയും പൊലീസ് സേനയുടെയും സുരക്ഷാ വലയത്തിലായിരുന്നു പുനഃപരീക്ഷ നടന്നത്.