സഞ്ചാരികളുടെ സ്വകാര്യവസ്‌തുക്കൾ മണത്തുനോക്കി പരിശോധിച്ചു; പാക്‌ പൊലീസിനെ പരിഹസിച്ച് സോഷ്യൽ മീഡിയ

വീഡിയോയിൽ ഉദ്യോഗസ്ഥൻ എമോണിനെ ദേഹപരിശോധനയ്‌ക്ക് വിധേയനാക്കുന്നതും തുടർന്ന് ലൂയിസയോട് പരിശോധനയ്‌ക്കായി എഴുന്നേൽക്കാൻ ആവശ്യപ്പെടുന്നതും കാണാം. പിന്നീട് യുവതിയുടെ ബാഗ് തുറന്ന് വസ്‌ത്രങ്ങൾ, സോക്‌സുകൾ, മേക്കപ്പ് കിറ്റ് എന്നിവയുൾപ്പടെയുള്ള സാധനങ്ങൾ പരിശോധിക്കുന്നു. ഇതിനിടെ ബാഗിലുള്ള ഓരോ വസ്‌തുവും ഉദ്യോഗസ്ഥൻ മണത്തുനോക്കുന്നതും ദൃശ്യങ്ങളിലുണ്ട്. ഇതിൽ യാത്രക്കാർ ഇരുവരും അസ്വസ്ഥരാകുന്നതും ദൃശ്യങ്ങളിൽനിന്ന് മനസിലാക്കാം.

യാത്രക്കാകെ പരിശോധനയ്‌ക്ക് വിധേയരാക്കുന്നത് സുരക്ഷാ നടപടികളുടെ ഭാഗമാണെങ്കിലും സ്വകാര്യ വസ്‌തുക്കൾ പരിശോധിച്ച രീതിയാണ് സോഷ്യൽ മീഡിയയിൽ വിമർശനത്തിന് ഇടയാക്കിയത്. ഉദ്യോഗസ്ഥന്റെ പെരുമാറ്റത്തെ പരിഹസിച്ചും വിമർശിച്ചും നിരവധി പ്രതികരണങ്ങളാണ് വീഡിയോയ്‌ക്ക് താഴെ പ്രത്യക്ഷപ്പെട്ടത്. പരിശോധനയെ ഉപദ്രവമായി വിശേഷിപ്പിച്ച ചിലർ ബന്ധപ്പെട്ട ഉദ്യോഗസ്ഥനെതിരെ നടപടി സ്വീകരിക്കണമെന്നും ആവശ്യപ്പെട്ടു. അതേസമയം, പരിശോധനയെ പിന്തുണച്ചും ചിലർ രംഗത്തെത്തി. നിരോധിത മയക്കുമരുന്നുകൾ ഉൾപ്പെടെയുള്ള വസ്‌തുക്കൾ കണ്ടെത്തുന്നതിനായിരിക്കാം ഉദ്യോഗസ്ഥൻ പരിശോധന നടത്തിയതെന്നാണ് അത്തരക്കാരുടെ വാദം.