പ്ലസ് വൺ പരീക്ഷാഫലം ഇന്ന് പ്രസിദ്ധീകരിക്കും 

തിരുവനന്തപുരം: ഒന്നാം വർഷ ഹയർസെക്കൻഡറി പരീക്ഷാ ഫലം ഇന്ന് results. hse. kerala. gov. inൽ പ്രസിദ്ധീകരിക്കും. വെബ്‌സൈറ്റിൽ രജിസ്റ്റർ നമ്പറും ജനനത്തീയതിയും നൽകി വ്യക്തിഗത ഫലങ്ങൾ പരിശോധിക്കാം. അതത് സ്‌കൂളുകൾക്ക് തങ്ങളുടെ സ്‌കൂൾ കോഡ് ഉപയോഗിച്ച് ലോഗിൻ ചെയ്ത് ഗ്രേഡ് വിവരങ്ങൾ ഒന്നിച്ച് പരിശോധിക്കാനും കഴിയും. 4 ലക്ഷത്തോളം വിദ്യാർത്ഥികളാണ് ഇത്തവണ പരീക്ഷ എഴുതിയത്. ആദ്യം ജൂൺ 10നും പിന്നീട് ജൂലൈ 15നും ഫലം പ്രഖ്യാപിക്കുമെന്ന് നിശ്ചയിച്ചിരുന്നെങ്കിലും സാങ്കേതിക കാരണങ്ങളാൽ നീട്ടുകയായിരുന്നു. കഴിഞ്ഞ വർഷം 62.28 ശതമാനമായിരുന്നു വിജയം.