തോട്ടപ്പള്ളി പൊഴി സന്ദർശിച്ചു

അമ്പലപ്പുഴ: തോട്ടപ്പള്ളി സ്പിൽവേയും പൊഴിമുഖവും സി.പി.ഐ സംഘം സന്ദർശിച്ചു. പൊഴിമുഖത്തിന്റെ വീതിയും ആഴവും വർദ്ധിപ്പിക്കനുള്ള നടപടികൾ ജല വിഭവവകുപ്പ് കൈക്കൊള്ളണമെന്നും സംഘം ആവശ്യപ്പെട്ടു. 40 മീറ്റർ നീളമുള്ള സ്പിൽവേയ്ക്ക് 40 ഷട്ടറുകളാണുള്ളത്. ഇതിൽ ചിലത് അറ്റകുറ്റപ്പണികൾ നടത്തിയാണ് ഉപയോഗിക്കുന്നത്. സി.പി.ഐ ജില്ലാ അസി.സെക്രട്ടറി സി. എ .അരുൺ കുമാർ, എക്സിക്യൂട്ടീവ് അംഗം പി .കെ.സദാശിവൻ പിള്ള, കൗൺസിൽ അംഗം വി.സി.മധു, കിസാൻസഭ മണ്ഡലം സെക്രട്ടറി കരുമാടി ഗോപൻ , വി.ജി.മണിലാൽ, വി.മോഹനൻ, ആർ.അനീഷ് എന്നിവർ സംഘത്തിലുണ്ടായിരുന്നു.