നവജാത ശിശുവിനെ വലിച്ചെറിഞ്ഞ സംഭവം: കുട്ടിയുടെ സംരക്ഷണം സി.ഡബ്ല്യു.സി തീരുമാനിക്കും

ആലപ്പുഴ: ഹരിപ്പാട് താലൂക്ക് ആശുപത്രിയിൽ പ്രസവിച്ച ഉടനെ നവജാത ശിശുവിനെ അമ്മ വലിച്ചെറിഞ്ഞ സംഭവത്തിൽ കുട്ടിയുടെ സംരക്ഷണം ശിശുസംരക്ഷണ സമിതി (സി.ഡബ്ല്യു.സി) തീരുമാനിക്കും. ഇതുസംബന്ധിച്ച് ശിശു സംരക്ഷണ സമിതിക്ക് ഹരിപ്പാട് പൊലീസ് കത്തുനൽകി. കുട്ടിയെ വേണ്ടെന്നാണ് 19കാരിയായ അമ്മ പറഞ്ഞത്. ഇനി​ കുട്ടിയെ വേണമെന്ന് ആവശ്യപ്പെട്ടാലും കുട്ടിയുടെ സുരക്ഷി​തത്വം കണക്കിലെടുത്തായിരിക്കും തീരുമാനം. കുട്ടയുടെ അച്ഛനെന്ന് സംശയി​ക്കുന്ന പെൺകുട്ടിയുടെ കാമുകനായ കൊൽക്കത്ത സ്വദേശിയെ ഫോണിൽ ബന്ധപ്പെടാൻ ശ്രമിച്ചെങ്കിലും കഴി​ഞ്ഞി​ട്ടില്ല. എറണാകുളം ഇടപ്പള്ളിയിൽ യുവതി​ പാരാമെഡിക്കൽ കോഴ്സ് ചെയ്യുമ്പോൾ ഇവി​ടുത്തെ ആശുപത്രിയിലെ ക്യാന്റീൻ ജീവനക്കാരനായിരുന്നു ഇയാൾ. കുട്ടി ഇപ്പോൾ ആശുപത്രി അധികൃതരുടെ സംരക്ഷണത്തിലാണ്. യുവതിയും ആശുപത്രിയിൽ ചികിത്സയിലാണ്. കഴിഞ്ഞ തിങ്കളാഴ്ചയാണ് ഹരിപ്പാട് സ്വദേശിയായ യുവതി ആശുപത്രി ടോയ്ലെറ്റിൽ പ്രസവിച്ചത്.