ഓപറേഷൻ തൂഫാൻ ജാഗരൺ റാലി ആഗസ്റ്റ്​ ഒന്നിന്​

ആലപ്പുഴ: വിവിധവിദ്യാഭ്യാസ സ്ഥാപനങ്ങളെ കോർത്തിണക്കി ഓപറേഷൻ തൂഫാൻ ജാഗരൺ റാലി ശനിയാഴ്ച വൈകിട്ട്​ 3.30ന്​ ആലപ്പുഴയിൽ നടക്കുമെന്ന്​ ജില്ല പൊലീസ്​ മേധാവി ടി.കെ.വിഷ്ണുപ്രദീപ് പറഞ്ഞു​. ബീച്ചിന്​ സമീപത്തെ റിക്രിയേഷൻ ഗ്രൗണ്ടിൽനിന്ന്​ ആരംഭിക്കുന്ന റാലി കണ്ണൻവർക്കി പാലം വഴി ലീയോതേർട്ടീന്ത്​ സ്​കൂളിൽ സമാപിക്കും. മന്ത്രി രമേശ്​ ചെന്നിത്തല ഉദ്​ഘാടനം നിർവഹിക്കും. ഡെപ്യൂട്ടി സ്പീക്കർ ഷാനിമോൾ ഉസ്മാൻ, മന്ത്രി എം.ലിജു, കെസി.വേണുഗോപാൽ എം.പി, കൊടിക്കുന്നിൽ സുരേഷ്​ എം.പി എന്നിവർ പ​ങ്കെടുക്കും. എൻ.എസ്​.എസ്​, എൻ.സി.സി, സ്​റ്റുഡൻസ്​ പൊലീസ്​ കേഡറ്റ്​, സ്കൂൾ-കോളജ്​ അടക്കമുള്ള സ്ഥാപനങ്ങളിലെ വിദ്യാർത്ഥികൾ അടക്കമുള്ളവർ ബഹുജനറാലിയിൽ അണിനിരക്കും. തൂഫാനുമായി ബന്ധ​പ്പെട്ട്​ സബ്​ ഡിവിഷൻ കേന്ദ്രീകരിച്ച്​ നടത്തിയ മത്സരങ്ങളിലെ വിജയികൾക്ക്​ സമ്മാനം നൽകും. 150പേർക്ക്​ തൂഫാൻ വാരിയേഴ്​സ്​ ബാഡ്ജും നൽകും.