വില്ലേജ് ഓഫീസിലേക്ക് മാർച്ചും ധർണയും

മുഹമ്മ: ക്ഷേമ പെൻഷനുകൾ വീട്ടിൽ എത്തിക്കുന്നത് നിറുക്കത്തലാക്കിയതിലും തൊഴിലുറപ്പ് പദ്ധതി അട്ടിമറിക്കാനുള്ള നീക്കത്തിലും പ്രതിഷേധിച്ച് പെൻഷൻ വാങ്ങുന്നവരും തൊഴിലുറപ്പ് തൊഴിലാളികളും വില്ലേജ് ഓഫീസിലേക്ക് മാർച്ചും ധർണയും നടത്തി. സി.പി.എം മുഹമ്മ, മുഹമ്മ നോർത്ത് ലോക്കൽ കമ്മിറ്റികളുടെ നേതൃത്വത്തിലായിരുന്നു സമരം. ആര്യക്കരയിൽ നടന്ന ധർണ സി.പി. എം ഏരിയ സെക്രട്ടറി അഡ്വ.പി. രഘുനാഥ് ഉദ്ഘാടനം ചെയ്തു. സി.കെ.സുരേന്ദ്രൻ അധ്യക്ഷനായി. കെ.ഡി.അനിൽകുമാർ, ടി. ഷാജി, ടി.പി.മംഗളാമ്മ, അരുൺമോഹൻ, സ്വപ്ന ഷാബു, എം.ചന്ദ്ര, ഡി.ഷാജി എന്നിവർ സംസാരിച്ചു.