പുന്നക്കൽ ഭഗവതി ക്ഷേത്രത്തിൽ മോഷണം

ഉദയംപേരൂർ: തെക്കൻ പറവൂർ പുന്നക്കൽ ഭഗവതി ക്ഷേത്രത്തിൽ കാണിക്കവഞ്ചിയും ഓഫീസ് മുറിയും കുത്തിത്തുറന്ന് പണവുമായി മോഷ്ടാവ് കടന്നു. ഞായറാഴ്ച രാത്രി നടന്ന മോഷണത്തിൽ ഏകദേശം 6,000 രൂപ നഷ്ടമായതായി പരാതിയിൽ പറയുന്നു. ഓഫീസ് മുറിയുടെ പൂട്ടു കുത്തിപ്പൊളിച്ച ശേഷം മുറിയിലെ ബക്കറ്റിൽ സൂക്ഷിച്ചിരുന്ന 4,000 രൂപയുടെ നാണയങ്ങളും കാണിക്കവഞ്ചിയിലുണ്ടായിരുന്ന ഏകദേശം 2,000 രൂപയും മോഷ്ടിച്ചതായാണ് പരാതി. ക്ഷേത്ര സെക്രട്ടറി നൽകിയ പരാതിയിൽ ഉദയംപേരൂർ പൊലീസ് അന്വേഷണം ആരംഭിച്ചു.