കിടത്തി ചികിത്സ ആരംഭിക്കണം

കൊല്ലം: കേരളമൊട്ടാകെ സർക്കാരിന്റെ നേതൃത്വത്തിൽ ലഹരിക്ക് എതിരായിട്ടുള്ള തൂഫാൻ പദ്ധതി കാര്യക്ഷമമായി നടന്നുവരുന്ന സാഹചര്യത്തിൽ ലഹരിക്ക് അടിമയായിട്ടുള്ള ആളുകൾക്ക് ശരിയായ ചികിത്സ കൂടി ലഭ്യമാകേണ്ടതുണ്ട്. കൊല്ലം ജില്ലയിൽ ആരോഗ്യ രംഗത്ത് സർക്കാർ തലത്തിൽ ഇതിന് പരിമിതമായ സാഹചര്യങ്ങളാണ് ഉള്ളത്. ഈ പ്രശ്‌നത്തിന് പരിഹാരമായി പാരിപ്പള്ളി മെഡിക്കൽ കോളേജ് സൈക്യാട്രി വിഭാഗത്തിൽ കിടത്തി ചികിത്സ ആരംഭിക്കാനുള്ള അടിയന്തര നടപടി സ്വീകരിക്കണമെന്ന് കെ.പി.സി.സി ജനറൽ സെക്രട്ടറി സൂരജ് രവി പാരിപ്പള്ളി പ്രിൻസിപ്പലിന് അയച്ച കത്തിൽ ആവശ്യപ്പെട്ടു.