കരുനാഗപ്പള്ളിയിൽ അധിക സ്റ്റോപ്പ്

കൊല്ലം: നിരന്തരമായ ആവശ്യത്തെ തുടർന്ന് ചെന്നൈ- കൊല്ലം -ചെന്നൈ വീക്ക്‌ലി സ്പെഷ്യൽ ട്രെയിനുകൾക്ക് കരുനാഗപ്പള്ളി സ്റ്റേഷനിൽ അധിക സ്റ്റോപ്പ് അനുവദിച്ചതായി കെ.സി.വേണുഗോപാൽ എം.പി അറിയിച്ചു. 06119 -ാം നമ്പർ ചെന്നൈ- കൊല്ലം വീക്ക്‌ലി സ്പെഷ്യൽ ട്രെയിൻ രാവിലെ 4.58 നും തിരികെയുള്ള 06120 -ാം നമ്പർ കൊല്ലം - ചെന്നൈ വീക്ക്‌ലി സ്പെഷ്യൽ ട്രെയിൻ രാവിലെ 11.06നും കരുനാഗപ്പള്ളി സ്റ്റേഷനിൽ എത്തിച്ചേരും. ഈ മാസം 19 മുതലാണ് അധിക സ്റ്റോപ്പ് അനുവദിച്ചത് പ്രാബല്യത്തിൽ വരിക.