താലൂക്ക് സമ്മേളനം നടത്തി

പൊൻകുന്നം: കേരളാ പ്രൈമറി കോഓപ്പറേറ്റീവ് സർവീസ് പെൻഷനേഴ്സ് അസോസിയേഷൻ കാഞ്ഞിരപ്പള്ളി താലൂക്ക് സമ്മേളനം പ്രൊഫ.റോണി കെ.ബേബി എം.എൽ.എ.ഉദ്ഘാടനം ചെയ്തു. താലൂക്ക് പ്രസിഡന്റ് കെ.ആർ.സോമശേഖരൻ നായർ അദ്ധ്യക്ഷത വഹിച്ചു. സർക്കിൾ സഹകരണ യൂണിയൻ ചെയർമാൻ അഡ്വ.പി.സതീഷ്ചന്ദ്രൻ നായർ മുഖ്യപ്രഭാഷണം നടത്തി. അഡ്വ. അഭിലാഷ് ചന്ദ്രൻ, തോമസ് കുന്നപ്പള്ളി, അഡ്വ.പി.ജീരാജ്, ചാൾസ് ആന്റണി, ജോർജ് ഫിലിപ്പ്, സി.ജി.രാജൻ, സേവ്യർ മൂലകുന്ന്, രാജേഷ് ആർ.മറ്റക്കാട്ട്, കെ.എം.മോളിക്കുട്ടി, ടി.കെ.ബാബുരാജ്, ജോൺ സാലസ് എന്നിവർ സംസാരിച്ചു.