ബാലൻ മാസ്റ്റർ അനുസ്മരണം

വടകര: കേരള സ്റ്റേറ്റ് ലൈബ്രറി കൗൺസിൽ എക്സിക്യൂട്ടീവ് കമ്മിറ്റി അംഗവും പി.എൻ പണിക്കർ അവാർഡ് ജേതാവുമായിരുന്ന വി.കെ ബാലൻ മാസ്റ്റരുടെ ഒന്നാം ചരമ വാർഷിക ദിനാചരണം സംഘടിപ്പിച്ചു. അനുസ്മരണ സമ്മേളനം ദേശാഭിമാനി പത്രാധിപർ പുത്തലത്ത് ദിനേശൻ ഉദ്ഘാടനം ചെയ്തു. ബാലൻ മാസ്റ്റർ സ്മാരക പുരസ്കാരം മനയത്ത് ചന്ദ്രൻ തുഞ്ചൻ സ്മാരക ഗ്രന്ഥാലയത്തിന് സമർപ്പിച്ചു. ടി കുഞ്ഞബ്ദുള്ള അദ്ധ്യക്ഷനായി. പി.പി പ്രഭാകരൻ, ആർ ബാലറാം, പി പ്രശാന്തി, പി കെ സതീശൻ, മണലിൽ മോഹനൻ, ടി രാജൻ തുടങ്ങിയവർ പ്രസംഗിച്ചു. ആദ്യകാല പ്രവർത്തകരുടെ സംഗമം ആർ.ബാലറാം ഉദ്ഘാടനം ചെയ്തു. ടി.കുഞ്ഞബ്‌ദുള്ള അദ്ധ്യക്ഷനായി.