മിനി ലോകകപ്പ്

പട്ടാമ്പി: ലോകകപ്പ് ഫുട്ബാളിന്റെ ആവേശത്തോടൊപ്പം ലഹരിവിരുദ്ധ ബോധവത്കരണം ശക്തിപ്പെടുത്തുന്നതിനായി വൺ മില്യൺ തൂഫാൻ ഗോൾ പദ്ധതിയുടെ ഭാഗമായി പട്ടാമ്പി ഹൈസ്‌കൂളിൽ വിദ്യാർത്ഥികൾക്കായി മിനി ഫുട്ബാൾ ലോകകപ്പ് സംഘടിപ്പിച്ചു. നഗരസഭാ ചെയർപേഴ്സൺ ടി.പി.ഷാജി ഉദ്ഘാടനം നിർവ്വഹിച്ചു. വൈസ് ചെയർപേഴ്സൺ അസ്ന ഹനീഫ, സ്റ്റാൻഡിംഗ് കമ്മിറ്റി ചെയർമാൻ ജിതേഷ് മോഴിക്കുന്നം, വാർഡ് കൗൺസിലർമാരായ പി.സുരേഷ്, കൃഷ്ണദാസ്, പട്ടാമ്പി സബ് ഇൻസ്‌പെക്ടർ മനു കൃഷ്ണ, എ.എസ്.ഐ ബിന്ദു, സ്‌കൂൾ പ്രിൻസിപ്പൽ പി.അഷ്റഫ് എന്നിവർ സംബന്ധിച്ചു.