ഫ്ളാഷ് മോബ് നടത്തി

ചെർപ്പുളശ്ശേരി: തൃക്കടീരി പി.ടി.എം ഹയർ സെക്കൻഡറി സ്‌കൂളിൽ വിദ്യാർത്ഥികൾ ലഹരി വിരുദ്ധ സന്ദേശവുമായി ഫ്ളാഷ് മോബ് സംഘടിപ്പിച്ചു. ലഹരി പദാർത്ഥങ്ങളുടെ ഉപയോഗത്തിനെതിരെ സമൂഹത്തിൽ, പ്രത്യേകിച്ച് യുവതലമുറയിൽ ബോധവത്കരണം വളർത്തുക എന്ന ലക്ഷ്യത്തോടെയാണ് സംസ്‌കൃതം ക്ലബ്ബിന്റെ നേതൃത്വത്തിൽ വേറിട്ട പരിപാടി അരങ്ങേറിയത്. ഒമ്പതാം ക്ലാസ് വിദ്യാർത്ഥിനികളായ മയൂഖ സാജൻ, അമേയ, ഐശ്വര്യ, ശൃംഗ, അനുശ്രീ, അനയ, നിവേദ്യ, ശ്രീഷ എന്നിവർ ചേർന്നാണ് ഫ്ളാഷ് മോബ് അവതരിപ്പിച്ചത്.