സ്വീപ് സ്ലോ റൺ ക്യാമ്പയിൻ

പത്തനംതിട്ട : നിയമസഭ തിരഞ്ഞെടുപ്പിനോടനുബന്ധിച്ച് ജില്ല ഭരണകൂടത്തിന്റെയും സ്വീപിന്റെയും നേതൃത്വത്തിൽ സംഘടിപ്പിച്ച സ്ലോ റൺ ക്യാമ്പയിൻ ജില്ല കളക്ടർ എസ്. പ്രേം കൃഷ്ണൻ ഫ്ലാഗ് ഓഫ് ചെയ്തു. കളക്ടറേറ്റ് ഗേറ്റിൽ നിന്ന് ആരംഭിച്ച സ്ലോ റൺ ഗാന്ധി സ്‌ക്വയറിൽ സമാപിച്ചു. ജില്ലാ കളക്ടർ സമ്മതിദായക പ്രതിജ്ഞ ചൊല്ലി. 14 കേരള എൻസിസി ബറ്റാലിയൻ കേഡറ്റ്, പത്തനംതിട്ട കാതോലിക്കേറ്റ് കോളേജിലെ എൻഎസ്എസ് വോളണ്ടിയർമാർ , സ്‌പോർട്‌സ് ഹോസ്റ്റൽ കുട്ടികൾ, ജില്ലയിലെ റോളർ സ്‌കേറ്റിംഗ് താരങ്ങൾ എന്നിവർ പങ്കെടുത്തു. സ്വീപ്പ് നോഡൽ ഓഫീസർ ടി. ബിനുരാജ്, എൻസിസി കമാൻഡിംഗ് ഓഫീസർ ലെഫ്. കേണൽ സുന്ദർ റാം, കാതോലിക്കേറ്റ് കോളേജ് പ്രിൻസിപ്പൽ ഡോ. സിന്ധു ജോൺസ്, എൻ.സിസി പ്രോഗ്രാം ഓഫീസർ പ്രൊഫ. ജിജോ. കെ ജോസഫ്, എൻഎസ്എസ് പ്രോഗ്രാം ഓഫീസർ ഡോ. ആൻസി സാം, കോഴഞ്ചേരി തഹസിൽദാർ ഷൈനി. പി വർഗീസ് എന്നിവർ പങ്കെടുത്തു.