എവിടെ കൊണ്ടുവിട്ടാലും അരിക്കൊമ്പൻ തിരിച്ചുവരും,​ ഇനിയുള്ള ഏക പോംവഴി ഇതുമാത്രം,​ വ്യക്തമാക്കി ഗണേഷ് കുമാർ

പത്തനാപുരം: എവിടെക്കൊണ്ടു പോയി പാർപ്പിച്ചാലും അരിക്കൊമ്പൻ തിരിച്ചുവരുമെന്നും നാട്ടിലെ ആളുകളെ അതിന് ഭയമില്ലെന്നും കെ.ബി,​ ഗണേഷ് കുമാർ എം.എൽ.എ പറഞ്ഞു. അരിക്കൊമ്പനെ കുങ്കിയാനയാക്കാതെ വേറെ മാർഗമില്ലെന്നും ഗണേഷ് കുമാർ വ്യക്തമാക്കി.

ആനത്താരയിൽ ആളുകൾ താമസിക്കുന്നു എന്നൊക്കെ പറയുന്നത് പാവപ്പെട്ട കർഷകരെ ദ്രോഹിക്കുന്ന പ്രസ്താവനയാണ്. അങ്ങനെയാണെങ്കിൽ കമ്പത്ത് തമാസിക്കുന്ന ആളുകളൊക്കെ ആനത്താരയിൽ താമസിക്കുന്നവരാണോ,​ ആനയ്ക്ക് ഇഷ്ടമുള്ള ഭക്ഷണത്തിന്റെ മണം പിടിച്ചുകഴിഞ്ഞാൽ അത് തേടിവരും. ഈ ആനയ്ക്ക് മനുഷ്യന്റെയും അരിയുടെയും മണം അറിയാം. ആദ്യം തേയിസതോട്ടത്തിലിറങ്ങി,​ പിന്നെ അരി അന്വേഷിച്ചു വന്നു. ഇപ്പോൾ നാട്ടിലും ഇറങ്ങി. അതിന് നാട്ടിലെ ആളുകളെ ഭയമില്ല, തമിഴ്‌നാട് അതിനെ പിടിക്കുകയല്ലാതെ വേറെ മാർ‌ഗമില്ല,​ ഇതിനെ എവിടെക്കൊണ്ടു വിട്ടാലും പുറത്തുവന്നുകൊണ്ടിരിക്കും,​ എത്രയും വേഗം മെരുക്കി കുങ്കി ആനയാക്കുക മാത്രമാണ് ഇനിയുള്ള ഏകപോംവഴിയെന്ന് ഗണേഷ് കുമാർ പറഞ്ഞു.

. തമിഴ്‌നാട്ടിൽ കപട ആനപ്രേമികളില്ല,​ ഇവിടെ എല്ലാം പബ്ലിസിറ്റിക്ക് വേണ്ടി ചെയ്യുന്നതാണ്,​ ഈ വിഷയത്തിൽ സർക്കാരിനെ കുറ്റം പറയാനാകില്ലെന്നും അവരുടെ തിരുമാനം ഇതായിരുന്നില്ലെന്നും ഗണേഷ് കുമാർ കൂട്ടിച്ചേർത്തു. .