കൊല്ലം: കൊല്ലം മണ്ഡലത്തിലെ എട്ട് റോഡുകളുടെ നിർമാണ പ്രവർത്തനങ്ങൾ ആരംഭിച്ചുവെന്ന് മുകേഷ് എംഎൽഎ. ആറ് കോടി 35 ലക്ഷം രൂപ ചെലവിൽ ബി എം ആൻഡ് ബി സി നിലവാരത്തിലാണ് നിർമിക്കുന്നത്. ഇതിന്റെ ചിത്രങ്ങൾ സഹിതം മുകേഷ് ഫേസ്ബുക്കിൽ കുറിച്ചിട്ടുണ്ട്.
ആശ്രാമം - ആറാട്ടുകുളം റോഡ്, സ്മാൾ പോക്സ് -ഷെഡ് റോഡ്, സ്റ്റാൻഡേർഡ് -ടൈൽ ഫാക്ടറി റോഡ്, നോർത്ത് ഗസ്റ്റ് ഹൗസ് റോഡ്, ഗവണ്മെന്റ് ഗസ്റ്റ് ഹൗസ് -സ്മാൾ ബ്രിഡ്ജ് റോഡ് (ആശ്രമം -കൊച്ചുപ്ലമൂട് പാലം ), ലക്ഷ്മിനട -സിറിയൻ ചർച്ചു റോഡ് (സൂചിക്കാരൻമുക്ക് റോഡ് ), ഇഞ്ചവിള -കരുവ മൂക്കട മുക്ക് റോഡ്, കരുവ -കാഞ്ഞവെളി എന്നീ റോഡുകളിലാണ് ഉയർന്ന ഗുണനിലവാരത്തിൽ നിർമാണ പ്രവർത്തനങ്ങൾ നടക്കുന്നത്.
ചിത്രങ്ങൾ ഫേസ്ബുക്കിൽ പങ്കുവച്ചതോടെ നിരവധിപേരാണ് കമന്റുമായി രംഗത്തെത്തിയത്. ' ഇത്രയും കാലം എവിടായിരുന്നു?' , 'അഞ്ച് കൊല്ലം കൊണ്ട് എട്ട് റോഡ്, കൊല്ലം എംഎൽഎ കൊലമാസ്', 'തിരഞ്ഞെടുപ്പ് അടുത്തൂ', 'നേരത്തേ ആയി പോയി' തുടങ്ങിയ കമന്റുകളാണ് ഏറെയും. എംഎൽഎയെ പ്രശംസിച്ചുകൊണ്ടും കമന്റുകൾ വന്നിട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |