SignIn
Kerala Kaumudi Online
Wednesday, 12 May 2021 8.33 AM IST

അട്ടത്തോടിനെ അറിയാൻ മീനാക്ഷി ലേഖി

07-attathode
ഹരിഹരപുത്ര സേവാട്രസ്റ്റിന്റെ നേതൃത്വത്തിൽ മീനാക്ഷി ലേഖി എം.പിയ്ക്ക് അട്ടത്തോട് ആദിവാസി കോളനിയിൽ ഒരുക്കിയ സ്വീകരണ സമ്മേളനം പത്തനംതിട്ട സാന്ദാനന്ദമഠം ഋഷിജ്ഞാന സാധനാലയം മഠാധിപതി സ്വാമിനി ദേവി ജ്ഞാനാഭനിഷ്ഠ ഭദ്രദീപം തെളിയിച്ച് ഉദ്ഘാടനം ചെയ്യുന്നു

പത്തനംതിട്ട: ശബരിമല ക്ഷേത്രം ഉൾപ്പെടുന്ന അട്ടത്തോട് ഗ്രാമത്തിലെ ജനങ്ങളുടെ ജീവിത സാഹചര്യവും കഷ്ടതകളും പാർലമെന്റിന്റെ ശ്രദ്ധയിൽ കൊണ്ടുവരുമെന്ന് മീനാക്ഷി ലേഖി എം.പി പറഞ്ഞു. അട്ടത്തോട്ടിൽ ആദിവാസി ജനവിഭാഗം നൽകിയ സ്വീകരണയോഗത്തിൽ സംസാരിക്കുകയായിരുന്നു അവർ.ശബരിമല ക്ഷേത്രത്തെക്കുറിച്ചും അവിടുത്തെ ആചാരങ്ങളെക്കുറിച്ചും കേട്ടറിവ് മാത്രമേ ഉണ്ടായിരുന്നുള്ളൂ .എന്നാൽ സുപ്രീം കോടതി വിധിക്ക് ശേഷം അവിടുത്തെ ആചാരാനുഷ്ഠാനങ്ങളെക്കുറിച്ച് പഠിക്കാനും അത് പാർലമെന്റിന്റെ ശ്രദ്ധയിൽ കൊണ്ടുവരാനും കഴിഞ്ഞു.

അടിസ്ഥാന സൗകര്യ വികസനത്തിന്റെ അഭാവം എത്ര കണ്ട് വലുതാണെന്ന് ആവലാതികൾ കേട്ടപ്പോൾ ബോധ്യപ്പെട്ടുവെന്നും മീനാക്ഷി ലേഖി പറഞ്ഞു.
പരമ്പരാഗത രീതിയിൽ ഒരുക്കിയ സ്വീകരണം പത്തനംതിട്ട സാന്ദാനന്ദമഠം ഋഷിജ്ഞാന സാധനാലയം മഠാധിപതി സ്വാമിനി ദേവി ജ്ഞാനാഭനിഷ്ഠ ഭദ്രദീപം തെളിയിച്ച് ഉദ്ഘാടനം ചെയ്തു. ഊരുമൂപ്പൻ വി.കെ നാരായണൻ അദ്ധ്യക്ഷത വഹിച്ചു. പന്തളം കൊട്ടാരം നിർവ്വാഹക സമിതി പ്രസിഡന്റ് പി.ജി.ശശികുമാരവർമ്മ ,സെക്രട്ടറി പി.എൻ.നാരായണവർമ്മ എന്നിവർ അനുഗ്രഹ പ്രഭാഷണം നടത്തി. ഗ്രാമ പഞ്ചായത്ത് അംഗം മഞ്ജു പ്രമോദ് , അനോജ് കുമാർ, പ്രസാദ് കുഴിക്കാല , പ്രിഥിപാൽ ,നാരായണൻ , സഞ്ജു , സുജൻ, സന്തോഷ് മടക്കോലി,സജില തുടങ്ങിയവർ സംസാരിച്ചു അട്ടത്തോട് ഗ്രാമത്തിൽ കോളനി സ്ഥാപിച്ച മുട്ടുകാണി പെരുമാൾ അയ്യപ്പനെ പൊന്നാട അണിയിച്ച് ആദരിച്ചു. വനവിഭവങ്ങളും അയ്യപ്പന്റെ ചിത്രവും നൽകിയാണ് മീനാക്ഷിലേഖിയെ യാത്രയാക്കിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PATHANAMTHITTA
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.