SignIn
Kerala Kaumudi Online
Friday, 30 September 2022 8.58 AM IST

ഒൻപതാം ക്ലാസുകാരൻ സഹപാഠിയെ ലഹരിമരുന്ന് നൽകി പീഡിപ്പിച്ച കേസിൽ വഴിത്തിരിവ്, അറസ്റ്റിലായത് പെൺകുട്ടിയുടെ പിതാവ്

pocso-case

കണ്ണൂർ: ഒൻപതാം ക്ലാസ് വിദ്യാർത്ഥി ലഹരിമരുന്ന് നൽകി സഹപാഠിയായ പെൺകുട്ടിയെ പീഡിപ്പിച്ച കേസിൽ വഴിത്തിരിവ്. പോക്‌സോ കേസിൽ പെൺകുട്ടിയുടെ പിതാവിനെ പൊലീസ് അറസ്റ്റ് ചെയ്തു. പതിനാലുകാരനെതിരെ ആരോപണവുമായി മാദ്ധ്യമങ്ങളിലൂടെ പെൺകുട്ടി രംഗത്തെത്തിയിരുന്നു. ഇത്തരത്തിലുള്ള ആരോപണം ഉന്നയിക്കാൻ കുട്ടിയെ പിതാവാണ് പ്രേരിപ്പിച്ചതെന്നാണ് പുറത്തുവരുന്ന റിപ്പോർട്ടുകൾ.


സഹപാഠി പീഡിപ്പിച്ചുവെന്ന് മാദ്ധ്യമങ്ങളിലൂടെ വെളിപ്പെടുത്തിയ പെൺകുട്ടി, പൊലീസിനോട് ഇത് പറയാൻ തയ്യാറായില്ല. തന്നെക്കൂടാതെ പതിനൊന്ന് പെൺകുട്ടികൾ കൂടി പീഡനത്തിനിരയായിട്ടുണ്ടെന്ന് ഒൻപതാം ക്ലാസുകാരി ആരോപിച്ചിരുന്നു. എന്നാൽ ഇത് വിശ്വസനീയമല്ലെന്നാണ് പൊലീസിന്റെ നിഗമനം.

ആരോപണം വ്യാജമാണെന്നാണ് പെൺകുട്ടി പഠിക്കുന്ന സ്‌കൂളിലെ അധികൃതർ പറയുന്നത്. പരാതിയുമായി മറ്റൊരു വിദ്യാർത്ഥിയും വന്നിട്ടില്ലെന്നും അധികൃതർ അറിയിച്ചു. എട്ടുമാസം മുമ്പാണ് കുടുംബം കണ്ണൂരിൽ താമസം ആരംഭിച്ചത്.

അതേസമയം, കേരളത്തിന് പുറത്തായിരുന്ന പെൺകുട്ടിയുടെ മാതാവ് കഴിഞ്ഞ ദിവസം കണ്ണൂരിലെത്തിയിരുന്നു. മകളെ ലൈംഗികമായി പീഡിപ്പിച്ചുവെന്ന് ആരോപിച്ച് രണ്ട് വർഷം മുൻപ് ഇവർ ഭർത്താവിനെതിരെ മഹാരാഷ്ട്രയിലെ ഖർഗർ പൊലീസിൽ പരാതി നൽകിയിരുന്നു. തുടർന്ന് ഇയാൾക്കെതിരെ പോക്സോ കേസെടുത്തിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, POCSO CASE, KANNUR, POLICE, ARREST
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.