കമ്പത്ത് 2 ജോടി ആനക്കൊമ്പുകൾ പിടിച്ചെടുത്തു; 4 പേർ അറസ്റ്റിൽ

2 ആഡംബര കാറുകൾ കസ്റ്റഡിയിൽ

കുമളി:തേനി ജില്ലയിലെ കമ്പത്തുനിന്ന് കേരളത്തിലേക്ക് വിൽപ്പനയ്ക്കായി ആനക്കൊമ്പുകൾ കടത്താൻ ശ്രമിച്ച സംഭവത്തിൽ 4 പേരെ വനംവകുപ്പ് ഉദ്യോഗസ്ഥർ അറസ്റ്റ് ചെയ്തു. ഇവരിൽ നിന്ന് 2 ജോടി ആനക്കൊമ്പുകളും കടത്താൻ ഉപയോഗിച്ച 2 ആഡംബര കാറുകളും പിടിച്ചെടുത്തു.കമ്പത്തുനിന്ന് കേരളത്തിലേക്ക് ആനക്കൊമ്പുകൾ കടത്തുന്നുണ്ടെന്ന് കമ്പം വെസ്റ്റ് ഫോറസ്റ്റ് റേഞ്ചർ ദീനദയാലന് രഹസ്യവിവരം ലഭിച്ചിരുന്നു. തുടർന്ന് അദ്ദേഹത്തിന്റെ നേതൃത്വത്തിലുള്ള വനംവകുപ്പ് സംഘം കമ്പം ബൈപാസ് റോഡിൽ വാഹനപരിശോധന നടത്തി.അതിനിടെ ആ വഴി വന്ന 2 ആഡംബര കാറുകൾ തടഞ്ഞു നിർത്തി പരിശോധിച്ചപ്പോഴാണ് കാറുകളിൽ നിന്ന് ആനക്കൊമ്പുകൾ കണ്ടെത്തിയത്. കാറിലുണ്ടായിരുന്ന 4 പേരെയും കസ്റ്റഡിയിലെടുത്തു മുത്തുരാമലിംഗ തേവർ തെരുവിൽ കൃഷ്ണ പ്രഭു (42)

മധുര കൂടൽ നഗർ, അന്നമ്മ രാജ(53)സിക്കന്തർ സാവടി തെരുവിൽ വാസുദേവൻ (53)പാപ്പാക്കുടി, മധുരആനമലയാൻ പട്ടിയിൽ വിജയൻ (42)

എന്നിവരാണ് പിടിയിലായത്.. സംഭവത്തിൽ കൂടുതൽ അന്വേഷണം നടന്നുവരുന്നു.