തിരുവനന്തപുരം: കത്ത് വിവാദത്തിൽ തിരുവനന്തപുരം നഗരസഭയിൽ പ്രതിപക്ഷ പ്രതിഷേധം തുടരുന്നതിനിടയിൽ ഡെപ്യൂട്ടി മേയർക്കെതിരെ പുതിയ ആരോപണം. ഡെപ്യൂട്ടി മേയർ പി കെ രാജുവിനെതിരെ യുഡിഎഫ് വനിതാ കൗൺസിലർമാരാണ് പരാതി ഉന്നയിച്ചത്. പ്രതിഷേധത്തിനിടയിൽ ഡെപ്യൂട്ടി മേയർ വനിതാ കൗൺസിലർമാർക്ക് നേരെ ഉടുമുണ്ട് ഉയർത്തിക്കാട്ടി എന്നാണ് പരാതി.

വിഷയത്തിൽ യുഡിഎഫ് പാർലമെന്ററി പാർട്ടി ലീഡർ തിരുവനന്തപുരം സിറ്റി പൊലീസ് കമ്മീഷണർക്ക് പരാതി സമർപ്പിച്ചിട്ടുണ്ട്. ഇന്ന് രാവിലെ 10.45 ന് നഗരസഭ മെയിൻ ഓഫീസിൽ വെച്ച് പി കെ രാജു യുഡിഎഫ് വനിതാ കൗൺസിലർമാരെ അടക്കം അസഭ്യം പറഞ്ഞതായും വസ്ത്രം ഉയർത്തിക്കാട്ടി സ്ത്രീത്വത്തെ അപമാനിക്കാൻ ശ്രമിച്ചു എന്നുമാണ് പരാതിയിൽ പറയുന്നത്.