കൽപ്പറ്റ: സംസ്ഥാന മുൻ തിരഞ്ഞെടുപ്പ് കമ്മിഷണർ എൻ മോഹൻദാസ് (73 ) അന്തരിച്ചു.തിങ്കളാഴ്ച രാവിലെയായിരുന്നു അന്ത്യം. സംസ്‌കാരം ഇന്ന് വൈകിട്ട് നാലിന് വസതിയായ വയനാട്ടിലെ ഇരുളം ഗീതാ ഗാർഡൻസിൽ .

ആറ്റിങ്ങൽ കുഴിയിൽമുക്ക് കുന്നിൽവീട്ടിൽ നാന്നുക്കുട്ടന്റെയും നളിനിയുടെയും മകനാണ്. ഏറെ നാളായി വയനാട്ടിലാണ് താമസം. ജില്ലാ ജഡ്ജി , സംസ്ഥാന തിരഞ്ഞെടുപ്പ് കമ്മീഷണർ, പൊലീസ് കംപ്ലൈന്റ് അതോറിറ്റി അംഗം തുടങ്ങിയ നിലകളിൽ സ്തുത്യർമായി പ്രവർത്തിച്ചിരുന്നു. സർവീസിൽ കയറുന്നതിനു മുമ്പ് ആറ്റിങ്ങൽ ,തിരുവനന്തപുരം കോടതികളിലെ പ്രഗൽഭനായ അഭിഭാഷകനായിരുന്നു. ഭാര്യ : സുഷമ മോഹൻദാസ്. മക്കൾ: മനു മോഹൻദാസ് ,നിനു മോഹൻദാസ്.. മരുമക്കൾ : ഇന്ദു മനു , സേതു നിനു.