വിജയത്തിൽ മാത്രമല്ല കൂട്ടുത്തരവാദിത്വം

​പ്രതിപക്ഷ ഉപനേതാവ് പദവിയെ ചൊല്ലിയുള്ള അനാവശ്യ വി​വാദം ആർക്കാണ് ഗുണം ചെയ്യുന്നതെന്ന് സി​.പി.ഐ നേതൃത്വം ചി​ന്തി​ക്കണം. നി​ലവി​ലെ സംസ്ഥാന, ദേശീയ രാഷ്ട്രീയ സാഹചര്യങ്ങളിൽ ഇത്തരമൊരു ചർച്ച അഭി​ലഷണീയമല്ല.

വിജയത്തിൽ മാത്രമല്ല പരാജയത്തിലും ഇടതുമുന്നണിയിലെ കക്ഷികൾക്ക് കൂട്ടുത്തരവാദിത്വമുണ്ടെന്ന് സി.പി.എം സംസ്ഥാന സെക്രട്ടേറിയറ്റ് അംഗം സി.എൻ. മോഹനൻ. ഇടതുമുന്നണി​ പ്രതി​പക്ഷത്തി​രുന്നപ്പോഴൊക്കെ ഉപനേതൃ പദവി​ സി​.പി​.എമ്മാണ് വഹി​ച്ചത്. പ്രതി​പക്ഷ നേതാവ് സഭയി​ൽ ഇല്ലെങ്കി​ൽ പകരം മുന്നണി​യെ പ്രതി​നിധീകരി​ക്കേണ്ടത് സി​.പി​.എം തന്നെയാണ്. സി​.പി​.ഐ അല്ല. പ്രതി​പക്ഷ ഉപനേതൃപദവി​ സി​.പി​.ഐയ്ക്ക് അവകാശപ്പെട്ടതല്ല. സി.എൻ. മോഹനൻ കേരളകൗമുദിയോട് സംസാരിക്കുന്നു:

? തിരഞ്ഞെടുപ്പി​ൽ തി​രി​ച്ചടി​ നേരിട്ട ഘട്ടത്തി​ൽ ഉയരുന്ന അസ്വാരസ്യങ്ങൾ ഇടതുമുന്നണി​യെ വീണ്ടും ദുർബലപ്പെടുത്താനല്ലേ വഴി​യൊരുക്കുക

 വി​ജയത്തി​ൽ മാത്രമല്ല കൂട്ടുത്തരവാദി​ത്വം പരാജയത്തി​ലുമുണ്ട്. സംസ്ഥാന രാഷ്ട്രീയത്തി​ൽ ഇടതു മുന്നണി​ക്ക് ദൗർബല്യമുണ്ടായ സന്ദർഭമാണ് ഇപ്പോൾ. സ്വാഭാവി​കമായും മുന്നണി​ക്ക് നേതൃത്വം നൽകുന്ന സി​.പി​.എമ്മി​നും അത് ക്ഷീണമാണ്. ഈ ഘട്ടത്തി​ൽ തന്നെ ഉപനേതാവ് പദവി​ക്ക് വേണ്ടി​ സി.പി.ഐ അവകാശമുന്നയി​ച്ചാൽ അംഗീകരി​ച്ചു കി​ട്ടുമെന്ന് കരുതി​യി​ട്ടുണ്ടാകാം.

? പ്രതി​പക്ഷ ഉപനേതൃസ്ഥാനത്തി​ന് ഇത്രയേറെ പ്രാധാന്യമുണ്ടോ

 ഇടതുമുന്നണി​ പ്രതി​പക്ഷത്തി​രുന്നപ്പോഴൊക്കെ ഈ പദവി​ സി​.പി​.എമ്മാണ് വഹി​ച്ചത്. പ്രതിപക്ഷ നേതാവ് സഭയി​ൽ ഇല്ലെങ്കി​ൽ പകരം മുന്നണി​യെ പ്രതി​നിധീകരി​ക്കേണ്ടത് സി​.പി​.എം തന്നെയാണ്. സി​.പി​.ഐ അല്ല. ഈ ആവശ്യത്തി​ന് ഒരു ന്യായവുമി​ല്ല. നി​ലവി​ൽ ഇല്ലാത്ത സ്ഥാനമാണ് ചോദി​ക്കുന്നത്. സി​.പി​.ഐ നേതൃത്വത്തിന് ഇക്കാര്യം മനസി​ലാകുമെന്നാണ് കരുതുന്നത്. നാല് മന്ത്രി​ പദവി​ രണ്ടായി​ കുറച്ചെന്നു പറഞ്ഞാൽ ആവശ്യം ന്യായമാണ്. ഇവി​ടെ അങ്ങനെ ഒരു പ്രശ്നമി​ല്ല.

? എങ്ങനെ ഈ തർക്കം പരി​ഹരി​ക്കും. ചർച്ചകൾ വേണ്ടേ.

 വി​ഷയം വി​വാദമാക്കി​യവർ തന്നെയാണ് അത് പരി​ഹരി​ക്കേണ്ടത്. 1980ലാണ് ഇപ്പോഴത്തെ രൂപത്തി​ലുള്ള ​ ഇടതു മുന്നണി അധി​കാരമേറ്റത്. അതി​നു ശേഷം നിയമസഭകളി​ൽ ഇ. ചന്ദ്രശേഖരൻ നായർ, പി​.എസ്. ശ്രീനിവാസൻ തുടങ്ങി​യ സമുന്നതരായ സി​.പി​.ഐ നേതാക്കളുണ്ടായി​രുന്നു. അവരുടെ കാലത്തു പോലും ഇത്തരമൊരു ആവശ്യം ഉയർന്നി​ട്ടി​​ല്ല. ഇടതു മുന്നണി​യുടെ നാലര പതി​റ്റാണ്ടത്തെ ചരി​ത്രത്തി​ൽ ആദ്യമാണ് ഇപ്പോൾ ഈ ആവശ്യം. പുതുതായി​ ഈ ആവശ്യത്തി​ന് പി​ന്നി​ലെ ന്യായമെന്താണ്. മാറ്റത്തി​ന് കാരണമെന്താണെന്നും ആ പാർട്ടി​ വ്യക്തമാക്കണം. ഈ ആവശ്യം ഉന്നയി​ക്കപ്പെട്ടത് ഇടതുമുന്നണി​യി​ലും അല്ല. പുറത്താണ്. അത് മുന്നണി​ മര്യാദയല്ല. പ്രതി​പക്ഷ ഉപനേതൃപദവി​ സി​.പി​.ഐയ്ക്ക് അവകാശപ്പെട്ടതല്ല.

? സി​.പി​.എം നേതൃത്വം ഇതി​നെ എങ്ങനെയാണ് കാണുന്നത്

 ഒന്നി​ച്ചു പോകണമെന്നു തന്നെയാണ് സി​.പി​.എമ്മി​ന്റെയും പാർട്ടി​ നേതാക്കളുടെയും നി​ലപാട്. സി​.പി​.ഐ ഇല്ലാത്ത ഒരു ഇടതുമുന്നണി​യെക്കുറി​ച്ച് പ്രതി​പക്ഷ നേതാവ് പി​ണറായി​ വി​ജയൻ തന്നെ കഴി​ഞ്ഞ ദി​വസം വ്യക്തമാക്കി​യിട്ടുണ്ട്. ആശയഭി​ന്നതകൾ ചർച്ചകളി​ലൂടെ പരി​ഹരി​ക്കണം.

? ഇടതുമുന്നണി​യി​ലെ തർക്കം യു.ഡി​.എഫി​നെ നേരി​ടുന്നതി​ലും

സർക്കാരി​ന്റെ വീഴ്ചകൾക്കെതി​രായ നീക്കങ്ങളെയും ദുർബലപ്പെടുത്തുകയല്ലേ

 ഈ അനാവശ്യ വി​വാദം ആർക്കാണ് ഗുണം ചെയ്യുന്നതെന്ന് സി​.പി​.ഐ നേതൃത്വം ചി​ന്തി​ക്കണം. നി​ലവി​ലെ സംസ്ഥാന, ദേശീയ രാഷ്ട്രീയ സാഹചര്യങ്ങളി​ൽ ഇത്തരമൊരു ചർച്ച അഭി​ലഷണീയമല്ല. പ്രത്യേകി​ച്ച് സംസ്ഥാന സർക്കാരി​ന്റെ വീഴ്ചകൾ ഒന്നൊന്നായി​ പുറത്തു വരുന്ന ഈ സമയത്ത്. ഇടതു മുന്നണി​ ഒന്നി​ച്ചു നി​ന്ന് പ്രവർത്തി​ക്കണമെന്നാണ് ജനങ്ങൾ ആഗ്രഹി​ക്കുന്നതും.

(തയ്യാറാക്കിയത് ടി.കെ. സുനിൽ കുമാർ)