അടിമുടി മാറണം സി.പി.എം

കമ്മ്യൂ​ണിസ്റ്റ് പാർട്ടി​കൾ പ്രത്യ​യ​ശാ​സ്ത്ര​ത്തി​ന്റെയും പ്രഖ്യാ​പിത നയ​ങ്ങ​ളു​ടെയും അടി​സ്ഥാ​ന​ത്തി​ലാണ് പ്രവർത്തി​ക്കു​ന്ന​ത്. എന്നാൽ, പ്രഖ്യാ​പി​ത​മായ പാർട്ടി​യുടെ പ്രത്യ​യ​ശാ​സ്ത്ര​ത്തിൽ നിന്നുള്ള നിര​ന്ത​ര​മായ ചാഞ്ചാ​ട്ട​മാണ് ഒന്നും രണ്ടും പിണ​റായി സർക്കാർ നട​ത്തി​യി​ട്ടു​ള്ളത്. സി.പി.എമ്മിന്റെ നയ​ങ്ങൾ സംസ്ഥാ​നത്ത് പലപ്പോഴും വെറും പഴ​ങ്ക​ഥ​ക​ളായി മാറി​യതും കാണാൻ കഴി​ഞ്ഞി​ട്ടു​ണ്ട്. ബൂർഷ്വാ പാർട്ടി​കൾക്ക് പ്രത്യ​യ​ശാ​സ്ത്രവും പരി​പാ​ടി​ക​ളുമൊന്നും പ്രശ്ന​മ​ല്ല. എന്നാൽ കമ്മ്യൂണിസ്റ്റ് പാർട്ടി​കൾക്ക് ഇത് പര​മ​പ്ര​ധാ​ന​മാ​ണ്.

നേതൃ​ത്വത്തെ മാറ്റ​ല​ല്ല, സംസ്ഥാ​നത്ത് വേണ്ടി​യി​രി​ക്കു​ന്ന​ത്. പിണ​റാ​യി​ വിജയനെയും

ഗോവി​ന്ദൻ മാസ്റ്റ​റെയും മാറ്റി പകരം മറ്റ് രണ്ടുപേർ വരു​ന്നതു കൊണ്ട് മാത്രം സി.പി.എമ്മിൽ മാറ്റങ്ങളൊന്നുമുണ്ടാകാൻ സാദ്ധ്യതയില്ല. മാർക്സിസത്തിന്റെ അടിസ്ഥാനത്തിലുള്ള പ്രഖ്യാപിത നയപരിപാടികളുമായി ശക്തമായി മുന്നോട്ട് പോകുന്ന കമ്മ്യൂണിസ്റ്റ്
പാർട്ടിക്ക് നേതൃ​ത്വ​മാറ്റം ഒരു പ്രശ്ന​മേ​യ​ല്ല.

എന്നാൽ സംസ്ഥാ​നത്തെ കമ്മ്യൂണിസ്റ്റ് പാർട്ടി ഒരു മാർക്സിസ്റ്റ് പാർട്ടി​യായി തന്നെ മുന്നോട്ട് പോകുമോ എന്നു​ള്ള​താണ് പ്രസ​ക്ത​മായ ചോദ്യം. അതിനു സാധി​ച്ചാൽ പാർട്ടി​യുടെ ജന​വി​ശ്വാസം വീണ്ടെ​ടു​ക്കാൻ കഴി​യു​മെ​ന്നുള്ള​തിൽ യാതൊരു സംശ​യ​വുമില്ല. കോഴിക്കോട്ട് ഇന്നു മുതൽ തുടങ്ങുന്ന സി.പി.എം വിപുലീകൃത സംസ്ഥാന കമ്മിറ്റിയെ ശ്രദ്ധേയമാക്കുന്നതും ഇതാണ്.

പാർട്ടിയിൽ കഠി​ന​മായ ചവി​ട്ടി​പ്പി​ഴി​ച്ചിൽ അട​ക്ക​മുള്ള ചികി​ത്സ​കൾ നട​ത്തു​മെന്ന് സി.പി.എം ജനറൽ സെക്ര​ട്ടറി എം.എ. ബേബി പറ​യു​ന്നു​ണ്ടെ​ങ്കിലും അതെങ്ങനെ നടപ്പാക്കും എന്നതാണ് പ്രസക്തം. സംസ്ഥാനത്തെ പാർട്ടിക്ക് മുന്നോ​ട്ടു​ പോ​ക​ണ​മെ​ങ്കിൽ തിര​ഞ്ഞെ​ടു​പ്പി​ലു​ണ്ടായ തെറ്റു​കൾ അപ്പാടെ തിരു​ത്താനാകണം. ഈ നില​യി​ലുള്ള പ്രസ്താ​വ​ന​യാണ് എം.എ. ബേബി നട​ത്തി​യി​ട്ടുള്ള​ത്.

പാർട്ടി​യുടെ തെറ്റു​കൾ തെറ്റായി കാണാനും അത് ജനങ്ങളോട് തുറന്നു പറയാനും നേതൃത്വം തയ്യാറാകണം. അതിന് കഴിഞ്ഞില്ലെങ്കിൽ കേന്ദ്ര -സംസ്ഥാന കമ്മിറ്റി​ക​ളുടെ തിര​ഞ്ഞെ​ടുപ്പ് റിവ്യൂ റിപ്പോർട്ടുകൾ കൊണ്ട് യാതൊരു പ്രയോ​ജ​ന​വു​മില്ല. പാർട്ടി അടി​മു​ടി​ മാ​റിയേ മതി​യാവൂ. അതിന് തയ്യാ​റാ​വാൻ സി.​പി.എം നേതൃത്വം മുന്നോട്ടു വരുമോ എന്നു​ള്ള​താണ് പ്രസ​ക്ത​മായ ചോദ്യം. അണികളെ വിശ്വാസത്തിലെടുത്ത് മുന്നോട്ട് പോകാനും കഴിയണം.

(ലേഖ​കന്റെ ഫോൺ: 9847132428)