ആര്യയുടെ വേട്ടുവം പൊങ്കൽ റിലീസ്

ആര്യ നായകനായി പാ രഞ്ജിത്ത് സംവിധാനം ചെയ്യുന്ന ബ്രഹ്മാണ്ഡ ആക്ഷൻ ചിത്രം വേട്ടുവം പൊങ്കൽ റിലീസായി എത്തും. അടുത്തിടെ പുറത്തിറങ്ങിയ 'വേൾഡ് ഒഫ് വേട്ടുവം, വീഡിയോയ്ക്ക് വലിയ പിന്തുണ ലഭിച്ചു. തമിഴ്, ഹിന്ദി, തെലുങ്ക്, മലയാളം, കന്നട ഭാഷകളിൽ വീഡിയോ പുറത്തിറങ്ങി. അപ്പോക്കലിപ്‌റ്റിക് പശ്ചാത്തലത്തിൽ ഒരുക്കിയ ചിത്രം വ്യത്യസ്ത ഗ്രൂപ്പുകൾക്കിടയിൽ ഉടലെടുക്കുന്ന വൈരുദ്ധ്യങ്ങളും ശത്രുതകളും അപ്രതീക്ഷിത സംഭവവികാസങ്ങളുമാണ് പറയുന്നത്.

ഒരു ആയോധന കലയാണ് വേട്ടുവം. അട്ടകത്തി ദിനേശ്, ഷബീർ കല്ലറയ്ക്കൽ, ശോഭിത ധൂലിപാല, കലൈയരസൻ തുടങ്ങിയവരാണ് മറ്റു താരങ്ങൾ. ജി.വി. പ്രകാശ് ഈണം പകരുന്നു. കലാ സംവിധാനം എസ്.എസ്. മൂർത്തി, രൂപേഷ് ഷാജി ആണ് ഛായാഗ്രഹണം. എഡിറ്റിംഗ് സെൽവ ആർ.കെ. ആക്ഷൻ ദിലീപ് സുബ്ബരായൻ, നീലം പ്രൊഡക്‌ഷൻസും ലേൺ ആൻഡ് ടീച്ച് പ്രൊഡക്ഷൻസും ചേർന്നാണ് നിർമ്മാണം.