വൈദ്യുതിമന്ത്രി പക്വതയില്ലാതെ പെരുമാറുന്നു: രാജു അപ്സര

ആലപ്പുഴ: വ്യാപാരമേഖലയിൽ പവർകട്ട്​ വലിയപ്രതിസന്ധി സൃഷ്ടിക്കുകയാണെന്നും വൈദ്യുതിമന്ത്രി പക്വത ഇല്ലാത്തപോലെയാണ്​ പെരുമാറുന്നതെന്നും വ്യാപാരി വ്യവസായി ​ഏകോപനസമിതി സംസ്ഥാനപ്രസിഡന്റ്​ രാജു അപ്സര മാദ്ധ്യമങ്ങളോട് പറഞ്ഞു. പവർകട്ടിനു കാരണം എന്താണെന്ന് സർക്കാർ വ്യക്തമാക്കണം. ആധുനികകാലത്ത് പവർകട്ടിനു പ്രസക്തിയില്ല. വർദ്ധിപ്പിച്ച നിരക്ക് നൽകിയിട്ടും പവർകട്ട് ഏർപ്പെടുത്തുന്നു. വൈദ്യുതി വകുപ്പ് കാര്യക്ഷമമായി പ്രവർത്തിക്കുന്ന മറ്റാരെയെങ്കിലും ഏൽപ്പിക്കണമെന്നും അദ്ദേഹം പറഞ്ഞു.