കൈറ്റിന് ദേശീയ പുരസ്കാരം

തിരുവനന്തപുരം: കൊവിഡ്കാലത്ത് കേരളത്തിലെ 45 ലക്ഷം കുട്ടികൾക്ക് ഡിജിറ്റൽ ക്ലാസുകൾ ലഭ്യമാക്കുന്നതിന് സാങ്കേതിക വിദ്യകൾ പ്രയോജനപ്പെടുത്തിയതിന് കേരള ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷന് (കൈറ്റ്) 'ഡിജിറ്റൽ ടെക്‌നോളജി സഭയുടെ ദേശീയ പുരസ്‌കാരം ലഭിച്ചു. സർക്കാർ മേഖലയിൽ രാജ്യത്തെ മികച്ച എന്റർപ്രൈസ് ആപ്ലിക്കേഷൻസ് വിഭാഗത്തിലാണ് കൈറ്റിന്റെ ഫസ്റ്റ്‌ബെൽ തിരഞ്ഞെടുക്കപ്പെട്ടത്. വീഡിയോ കോൺഫറൻസിംഗ് വഴി നടന്ന അവാർഡ്ദാന ചടങ്ങിൽ കൈറ്റ് സി.ഇ.ഒ കെ. അൻവർ സാദത്ത് അവാർഡ് സ്വീകരിച്ചു.