തിരുവനന്തപുരത്ത് എംസി റോഡിൽ ടാങ്കർലോറി കെഎസ്‌ആർടിസി ബസിലേക്ക് ഇടിച്ചുകയറി അപകടം, 25പേർക്ക് പരിക്ക്

തിരുവനന്തപുരം: എം സി റോഡിൽ കെഎസ്‌ആർ‌ടിസി ബസും ടാങ്കറും കൂട്ടിയിടിച്ച് അപകടം. തിരുവനന്തപുരം നഗരത്തിന് സമീപം വട്ടപ്പാറയിലാണ് സംഭവം. മറ്റൊരു വാഹനത്തെ ഓവ‌ർടേക്ക് ചെയ്‌ത ടാങ്കർ ലോറി കെഎസ്‌ആർടിസി ഫാസ്റ്റ് പാസഞ്ചറിലേക്ക് വന്നിടിക്കുകയായിരുന്നു. തിരുവനന്തപുരത്ത് നിന്നും കിളിമാനൂരിലേക്ക് പോകുകയായിരുന്ന ഫാസ്റ്റ് പാസഞ്ചർ ബസാണ് അപകടത്തിൽ പെട്ടത്.

അപകടസമയത്ത് ബസിൽ 25പേരുണ്ടായിരുന്നതായാണ് വിവരം. പരിക്കേറ്റവരെയെല്ലാം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആരുടെയും നില ഗുരുതരമല്ലെന്നാണ് സൂചനകൾ.