സീബ്രാ ലൈനിന്റെ വീതി എട്ട് മീറ്ററാക്കും

തിരുവനന്തപുരം: സീബ്രാലൈനിന്റെ വീതി നാലു മീറ്ററിൽ നിന്ന് എട്ടുമീറ്ററാക്കുമെന്ന് ഗതാഗതമന്ത്രി സി.പി ജോൺ നിയമസഭയിൽ പറഞ്ഞു. കാൽനടക്കാർ ആദ്യം, രണ്ടാമത് വാഹനം എന്നതായിരിക്കും നഗരങ്ങളിലെ നയം. റോഡ് സുരക്ഷാ ക്യാമ്പെയിൻ കൊണ്ടുവരും. 3 വർഷം കൊണ്ട് റോഡപകടങ്ങളും മരണങ്ങളും ഗണ്യമായി കുറയക്കുകയാണ് ലക്ഷ്യം.ബോധവത്കരണവും നിയമനടപടികളും ശക്തമാക്കും. ഇക്കൊല്ലം 3028പേരാണ് മരിച്ചത്. 34000പേർക്ക് ഗുരുതര പരിക്കേറ്റു. കഴിഞ്ഞ വർഷം 3734മരണങ്ങളുണ്ടായി. 39000 പേർക്ക് ഗുരുതര പരിക്കുപറ്റിയെന്നും പാറയ്ക്കൽ അബ്ദുള്ളയുടെ സബ്മിഷന് മന്ത്രി മറുപടി നൽകി.