ശരീരഭാരം കുറയ്ക്കാൻ എളുപ്പവഴി: കലോറി കത്തിക്കാൻ കറിവേപ്പില

ശരീരഭാരം എങ്ങനെ എളുപ്പത്തിൽ കുറയ്ക്കാമെന്ന് തലപുകയ്ക്കേണ്ട ആവശ്യമില്ല. വീട്ടുവളപ്പിൽ സുലഭമായി കിട്ടുന്ന കറിവേപ്പില കൊണ്ട് ശരീരഭാരം കുറയ്ക്കാൻ കഴിയും. കറിവേപ്പിലയിൽ അടങ്ങിയിരിക്കുന്ന കാർബസോൾ ആൽക്കലോയിഡുകൾ കൊഴുപ്പ് അടിയുന്നത് തടയാനും ദഹനം മെച്ചപ്പെടുത്താനും സഹായിക്കും.

ആന്റിഓക്സിഡന്റുകൾ നിറഞ്ഞ കറിവേപ്പിലയിൽ ഫ്ലാവോനോയിഡുകൾ, വിറ്റാമിൻ സി, എ എന്നിവ അടങ്ങിയിട്ടുണ്ട്. പൊട്ടാസ്യം അടങ്ങിയിരിക്കുന്നതിനാൽ ശരീരത്തിലെ രക്തസമ്മർദം കുറയ്ക്കാൻ കറിവേപ്പില സഹായകരമാണ്. മാത്രമല്ല,​ ഡയബറ്റിസ് രോഗികൾ കറിവേപ്പില ചൂടുവെള്ളത്തിൽ തിളപ്പിച്ച് കുടിക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കാനും സഹായിക്കും.

രാവിലെ വെറും വയറ്റിൽ 8-10 തളിരായിട്ടുള്ള കറിവേപ്പില പച്ചയ്ക്ക് ചവച്ചരച്ച് കഴിക്കുന്നത് വളരെ നല്ലതാണ്. കുറച്ച് കറിവേപ്പില ഒരു ഗ്ലാസ് വെള്ളത്തിലിട്ട് നന്നായി തിളപ്പിച്ച് ആ വെള്ളം ചെറുചൂടോടെ രാവിലെ വെറും വയറ്റിൽ കുടിക്കുന്നതും ശരീരത്തിന് ഏറെ ഗുണകരമാണ്. വേണമെങ്കിൽ ഇതിലേക്ക് അല്പം നാരങ്ങാനീരും ചേർത്ത് കുടിക്കാവുന്നതാണ്. കറിവേപ്പില വെള്ളത്തിലിട്ട് തിളപ്പിച്ച് തേനും ചേർത്ത് കുടിക്കുന്നത് ശരീരഭാരം കുറയുന്നതിന് ഏറെ ഫലപ്രദമാണ്.