നടപ്പാത നാടിന് സമർപ്പിച്ചു

തുറവൂർ: കോട്ടൂർപ്പള്ളി - മരങ്ങാട്ട് പ്രദേശത്തെ കാൽനടയാത്രക്കാരുടെ ദീർഘനാളത്തെ സ്വപ്നമായ നടപ്പാത യാഥാർഥ്യമായി. ഇന്ത്യൻ യൂനിയൻ മുസ്‌ലിം ലീഗ് കോട്ടൂർപ്പള്ളി മേഖല കമ്മിറ്റിയുടെ നിർദേശപ്രകാരം അരൂക്കുറ്റി ശിഹാബ് തങ്ങൾ റിലീഫ് സെൽ ആൻഡ് പാലിയേറ്റീവ് കെയറിന്റെ നേതൃത്വത്തിലാണ് നടപ്പാതയുടെ നിർമാണം പൂർത്തിയാക്കിയത്. ​ എസ്.ടി.ആർ. സി പ്രസിഡന്റ് കെ.എം. മുഹമ്മദ് നടപ്പാതയുടെ ഉദ്ഘാടനം നടത്തി. താജുദ്ദീൻ മൗലവി അധ്യക്ഷനായി. കോട്ടൂർ കാട്ടുപുറം പള്ളി മഹൽ പ്രസിഡന്റ് പി.എ. ശംസുദ്ദീൻ, വാർഡ് മെമ്പർ നസീറ സിയാദ്, മുഹമ്മദ് സാനി, ഷാജഹാൻ തുടങ്ങിയവർ പങ്കെടുത്തു.