യോഗാസന സ്പോർട്സ് ചാമ്പ്യൻഷിപ്പ്

ആലപ്പുഴ: സംസ്ഥാന യോഗാസന സ്പോർട്സ് ചാമ്പ്യൻഷിപ് 11,12 തീയതികളിൽ പുന്നപ്ര മാർ ഗ്രിഗോറിയോസ് ആർട്‌സ് ആൻഡ് സയൻസ് കോളേജിൽ നടക്കും. രാവിലെ ഏഴു മുതലാണ് മത്സരം. 11ന് മന്ത്രി എം.ലിജു ചാമ്പ്യൻഷിപ്പ് ഉദ്ഘാടനം ചെയ്യും.12ന് സമാപന സമ്മേളനം മന്ത്രി രമേശ് ചെന്നിത്തല ഉദ്ഘാടനം ചെയ്യും. ഡെപ്യുട്ടി സ്പീക്കർ ഷാനിമോൾ ഉസ്മാൻ, എ.ഡി. തോമസ് എം.എൽ.എ എന്നിവർ പങ്കെടുക്കും. ഗ്രിഗോറിയോസ് കോളേജിന്റെയും മൈ ഭാരതിന്റെയും സഹകരണത്തോടെയാണ് പരിപാടി സംഘടിപ്പിക്കുന്നത്. 10 മുതൽ 55 വയസ് വരെ ഉള്ളവർക്ക് പങ്കെടുക്കാം. വാർത്താസമ്മേളനത്തിൽ കെ. വാസുദേവൻ നമ്പൂതിരി, ജ്യോതിഷ് സി.ബി, ഹരീന്ദ്രനാഥ് തായങ്കരി, രേഖ രവീന്ദ്രൻ, സിന്ധു ഹരീന്ദ്രൻ എന്നിവർ പങ്കെടുത്തു.