ബഷീർ അനുസ്മരണം

ചെങ്ങന്നൂർ : ഉപാസന ഗ്രന്ഥശാലയുടേയും കുട്ടമ്പേരൂർ എസ്.കെ.വി.എച്ച്.എസ്. വിദ്യാരംഗം കലാസാഹിത്യവേദിയുടേയും സംയുക്താഭിമുഖ്യത്തിൽ വൈക്കം മുഹമ്മദ് ബഷീർ അനുസ്മരണവും ബഷീർ കൃതികളുടെ പ്രദർശനവും ഉപസാനയിൽ സംഘടിപ്പിച്ചു. എൻ.ഡി.നമ്പൂതിരി അദ്ധ്യക്ഷത വഹിച്ച യോഗത്തിൽ വിദ്യാരംഗം കലാസാഹിത്യവേദി കൺവീനർ സംഗീത ഉദ്ഘാടനം നിർവ്വഹിച്ചു. സെക്രട്ടറി ഈശ്വരൻ നമ്പൂതിരി സ്വാഗതം പറഞ്ഞു. റോയി സാമുവൽ, ക്രിസ്തുദാസ് എന്നിവർ പ്രസംഗിച്ചു. കുട്ടികൾ ഉൾപ്പെടെയുള്ളവർ ബഷീർ കൃതികളുടെ പ്രദർശനം കാണാനെത്തി.