ബാങ്ക് ജീവനക്കാർ പ്രക്ഷോഭത്തിലേക്ക്

അമ്പലപ്പുഴ: പഞ്ചദിന ബാങ്കിംഗ് നടപ്പാക്കണമെന്ന് ആവശ്യപ്പെട്ട് യുണൈറ്റഡ് ഫോറം ഒഫ് ബാങ്ക് യൂണിയൻസിന്റെ നേതൃത്വത്തിൽ കാനറ ബാങ്ക് ആലപ്പുഴ ബോട്ട് ജെട്ടി ശാഖയ്ക്ക് മുന്നിൽ നടന്ന പ്രതിഷേധ പ്രകടനം എ.ഐ.ബി.ഇ.എ സംസ്ഥാന വൈസ് പ്രസിഡന്റ് സി . അനന്തകൃഷ്ണൻ ഉദ്ഘാടനം ചെയ്തു . എ.ഐ.ബി.ഒ.സി ജില്ലാ പ്രസിഡന്റ് രജീഷ് ,സ്റ്റേറ്റ് ബാങ്ക് സ്റ്റാഫ് യൂണിയൻ എ .ജി .എസ് അനിൽകുമാർ, ബാങ്ക് എംപ്ലോയിസ് ഫെഡറേഷൻ ഓഫ് ഇന്ത്യ ജില്ലാ സെക്രട്ടറി എസ്. സി .സുരേഷ്, ജില്ലാ സെക്രട്ടറി ഇ.വി പ്രമോദ് എന്നിവർ സംസാരിച്ചു. കേന്ദ്ര ഗവൺമെന്റിന്റെ തെറ്റായ നയങ്ങൾ തിരുത്തണമെന്നും തൊഴിലാളികളുടെ അവകാശങ്ങൾ സംരക്ഷിക്കണമെന്നും സംഘടനകൾ കേന്ദ്ര സർക്കാരിനോട് ആവശ്യപ്പെട്ടു.