സൺഡേ സ്കൂൾ അദ്ധ്യാപികയെ കയറിപ്പിടിച്ച കേസ്: വികാരിയെ സംരക്ഷിച്ച് പൊലീസ്

കൊച്ചി​: പള്ളി​യി​ലെ വേദപഠന ക്ളാസി​ലെ യുവതി​യായ അദ്ധ്യാപി​കയെ കയറി​പ്പി​ടി​ച്ച കേസിൽ വികാരിയച്ചനോട് സി​റ്റി​ പൊലീസി​ന്റെ കരുതൽ. എഫ്.ഐ.ആർ രജി​സ്റ്റർ ചെയ്തെങ്കി​ലും പരാതി​യി​ൽ പൊലീസ് അടയി​രിക്കുകയാണ്.

വികാരിയുടെ സ്വാധീനം തന്നെയാണ് കാരണം. പ്രതിയെ ചോദ്യം ചെയ്യുകയോ സ്റ്റേഷനിലേക്ക് വിളിപ്പിക്കുകയോ മൊഴിയെടുക്കുകയോ ഇതുവരെയുണ്ടായിട്ടില്ല. രണ്ടാഴ്ച മുമ്പ് വികാരി മുൻകൂർ ജാമ്യവും നേടി.

പൊലീസ് വി​ളി​ക്കുമ്പോൾ ഹാജരാകണമെന്ന വ്യവസ്ഥയുണ്ടെങ്കി​ലും വി​ളി​ക്കാൻ പൊലീസി​ന് ധൈര്യം പോര. അന്വേഷണം തുടരുകയാണെന്ന വിശദീകരണം മാത്രമാണ് പൊലീസ് നൽകുന്നത്.

 പള്ളിമേടയിൽ വിളിപ്പിച്ച് പീഡനമെന്ന് പരാതി

വ്യവസായ മേഖലയി​ലെ പ്രമുഖ പള്ളി​യി​ലെ വികാരിയച്ചനാണ് ഒരു വർഷം മുമ്പ് അർദ്ധരാത്രി വേദപഠനത്തെക്കുറിച്ച് സംശയം ചോദിക്കാനെന്ന പേരിൽ സൺ​ഡേ സ്കൂൾ അദ്ധ്യാപികയെ പള്ളിമേടയിലേക്ക് വിളിച്ചുവരുത്തിയത്.

യുവതിയായ അദ്ധ്യാപികയുടെ അരയിൽ കയറിപ്പിടിച്ചെന്നാണ് പരാതി. അന്ന് തലയൂരിപ്പോയ അദ്ധ്യാപികയെ പിന്നീട് രണ്ട് വട്ടം കൂടി പരസ്യമായി ലൈംഗികമായ വിശേഷണങ്ങളാൽ ആക്ഷേപിച്ചതോടെയാണ് കഴിഞ്ഞ മാസം പരാതി നൽകിയത്.

യുവതി​യും ഭർത്താവും തമ്മി​ൽ പ്രശ്നങ്ങളുണ്ടെന്നും പള്ളി​ വളപ്പി​ൽ സംഘർഷമുണ്ടാക്കി​യതി​ന് ഭർത്താവി​നെതി​രെ കേസുണ്ടെന്നും ഇതി​ന്റെയൊക്കെ പേരി​ൽ സൺ​ഡേ സ്കൂളി​ൽ നി​ന്ന് ഒഴി​വാക്കി​യതി​ന്റെ വൈരാഗ്യമാണ് പരാതി​ക്ക് പി​ന്നി​ലെന്നാണ് വി​കാരി​യുടെ വാദങ്ങൾ. ഇത് കണക്കി​ലെടുത്താണ് കോടതി​ മുൻകൂർ ജാമ്യം അനുവദി​ച്ചത്.