പാമ്പുകൾ:സുരക്ഷ ബോധവത്കരണം

മൂവാറ്റുപുഴ: എറണാകുളം സോഷ്യൽ ഫോറസ്ട്രി ഡിവിഷന്റെ ആഭിമുഖ്യത്തിൽ അന്താരാഷ്ട്ര വന ദിനാഘോഷ പരിപാടികളോടനുബന്ധിച്ച് മുവാറ്റുപുഴ ബ്ലോക്ക് പഞ്ചായത്തിൽ വച്ച് കേരളത്തിലെ പാമ്പുകൾ എന്ന വിഷയത്തിൽ നടത്തിയ സുരക്ഷ ബോധവൽക്കരണ സെമിനാർ . ബ്ലോക്ക് പഞ്ചായത്ത് പ്രസിഡന്റ് കെ.ജി. രാധാകൃഷ്ണൻ ഉദ്ഘാടനം ചെയ്തു. എറണാകുളം സോഷ്യൽ ഫോറസ്ട്രി ഡിവിഷൻ ഡെപ്യൂട്ടി ഫോറസ്റ്റ് കൺസർവേറ്റർ ഫെൻ ആന്റണി അദ്ധ്യക്ഷത വഹിച്ചു. സർപ്പാ വളന്റിയേഴ്സും സ്നേക്ക് റെസ്ക്യൂവർമാരായ സന്ദീപ് കൃഷ്ണദാസ്, ഫാസിൽ എന്നിവർ സെമിനാറിൽ ക്ലാസ് നയിച്ചു. പ്രശാന്ത്,​ ഷിവാഗോ തോമസ്, സാബു ജോൺ, ജിയോ ബേസിൽ പോൾ തുടങ്ങിയവർ പങ്കെടുത്തു.