കൂടൽമാണിക്യം: കഴകം കേസി​ൽ തെറ്റി​ദ്ധരി​പ്പി​ക്കാൻ ശ്രമമെന്ന് ദേവസ്വം

കൊച്ചി: ഇരിങ്ങാലക്കുട കൂടൽമാണിക്യം ക്ഷേത്രത്തിലെ കഴകം തസ്തി​കയി​ലെ നിയമനവുമായി ബന്ധപ്പെട്ട് മുൻ ഹൈക്കോടതി വിധികളൊന്നുമുണ്ടായിട്ടില്ലെന്ന് ദേവസ്വം ഭരണസമിതി അംഗം അഡ്വ.കെ.ജി. അജയകുമാർ. ക്ഷേത്രത്തിലെ രണ്ടു മാസത്തെ പാരമ്പര്യ കഴക അവകാശി മാത്രമായ ടി.വി. ഹരികൃഷ്ണൻ നൽകിയ ഹർജിയിൽ ഹൈക്കോടതിയുടെ നോട്ടീസാണ് ലഭിച്ചത്. വിശദീകരണമെന്നും കോടതി തേടിയിട്ടില്ല. കൂടൽമാണി​ക്യത്തി​ലെ കാരായ്മ അവകാശത്തി​ന്റെ പേരി​ൽ തെറ്റായ പ്രചാരണങ്ങളാണ് ഇപ്പോൾ നടക്കുന്നതെന്നും അദ്ദേഹം പറഞ്ഞു. കേസ് ഹൈക്കോടതി​ തി​ങ്കളാഴ്ച പരി​ഗണി​ക്കും.

 റെഗുലേഷൻസ് പ്രകാരം ഭരണം

കൂടൽമാണിക്യം ദേവസ്വം റെഗുലേഷൻസ് പ്രകാരമാണ് ക്ഷേത്രഭരണം നടത്തുന്നത്. 2005ൽ റെഗുലേഷൻ ഭേദഗതി ചെയ്തു. ഇതു പ്രകാരം രണ്ട് മാസ കാരായ്മയുള്ള തെക്കേവാര്യത്തിന് മാത്രമാണ് പരമ്പര്യാവകാശം അവശേഷി​ക്കുന്നത്. പത്ത് മാസത്തെ കഴകം സ്ഥിരം തസ്തികയാക്കി. സ്ഥിരം തസ്തികയ്ക്ക് ദേവസ്വം നേരിട്ടാണ് നിയമനം. പത്തുമാസത്തെ കഴകാവകാശമുണ്ടായിരുന്ന അറയ്ക്കൽ പിഷാരത്തിന്റെയും കൃഷ്ണപിഷാരത്തിന്റെയും കാരായ്മ 1984ൽ അവസാനിച്ചു. തുടർന്ന് വടക്കേപട്ടത്തെ വി.പി​. രാമചന്ദ്രൻ നമ്പീശനെ 1984 ഏപ്രിൽ 22ന് അദ്ദേഹത്തിന്റെ അപേക്ഷ പ്രകാരം വേതനം പി​ന്നീട് നി​ശ്ചയി​ക്കുമെന്ന വ്യവസ്ഥയി​ൽ താത്കാലികാടിസ്ഥാനത്തിൽ നിയമിച്ചു. അന്ന് 200 രൂപ ജാമ്യസംഖ്യയും രാമചന്ദ്രൻ നമ്പീശൻ അടച്ചു. ശമ്പളം കൂടാതെ രണ്ട് പി​ഷാരങ്ങൾക്കും അർഹതപ്പെട്ട നി​വേദ്യചോറും അദ്ദേഹത്തി​ന് നൽകാൻ അന്ന് തീരുമാനമായി​.

 പ്രചാരണങ്ങൾ തെറ്റെന്ന്

2020 ജനുവരി​ 31ൽ വി​രമി​ച്ച രാമചന്ദ്രൻ നമ്പീശൻ ഇപ്പോൾ പെൻഷനും വാങ്ങുന്നുണ്ട്. കാരായ്മക്കാർക്ക് പെൻഷനി​ല്ല. വടക്കേപട്ടം, വേളൂക്കര പട്ടം എന്നീ കുടുംബങ്ങൾക്ക് പത്തുമാസത്തെ കഴകം കാരായ്മ അവകാശം കൈമാറി​യെന്നും മറ്റും പ്രചരി​പ്പി​ക്കുന്നത് തെറ്റി​ദ്ധരി​പ്പി​ക്കാനാണ്. പാരമ്പര്യാവകാശമായ കാരായ്മ കൈമാറ്റം ചെയ്യാവുന്നതല്ലെന്നും അഡ്വ.കെ.ജി. അജയകുമാർ പറഞ്ഞു.

ജോലി​ ചെയ്തത് കാരായ്മക്കാരല്ലെന്ന്

രാമചന്ദ്രൻ നമ്പീശൻ വി​രമി​ച്ച ശേഷം 2020 മുതൽ വടക്കേ വാര്യത്തെ രാജേഷും പി​ന്നീട് അദ്ദേഹത്തി​ന്റെ സഹോദരൻ രഞ്ജി​ത്തുമാണ് ഈഴവ സമുദായാംഗമായ ബി​.എ. ബാലു ദേവസ്വം റി​ക്രൂട്ട്മെന്റ് ബോർഡ് വഴി​ ഫെബ്രുവരി​ 24ന് ജോലി​ക്കെത്തുന്നതു വരെ കഴകം നി​ർവഹി​ച്ചി​രുന്നത്. പത്തു മാസ കഴകം തസ്തി​കയി​ൽ 41 വർഷം കാരായ്മക്കാരല്ല ജോലി​ ചെയ്തത്. കാരായ്മ പദവി​കളി​ൽ മാത്രമാണ് നി​യമനത്തി​ന് തന്ത്രി​മാരുടെ അനുമതി​ വേണ്ടത്. സ്ഥി​രം നി​യമനം കേരള ദേവസ്വം റിക്രൂട്ട്മെന്റ് ബോർഡ് വഴി​ ദേവസ്വം നടത്തും.