തീർത്ഥാടകരോടുള്ള അവഹേളനം

കൊല്ലം: ശബരിമലയിൽ തീർത്ഥാടനകാല സേവനത്തിന് ഡോക്ടർമാരെയും മറ്റ് അനുബന്ധ ജീവനക്കാരെയും ദേവസ്വം ബോർഡ് സ്വന്തം ചെലവിൽ കണ്ടെത്തണമെന്ന സർക്കാർ ഉത്തരവ് ശബരിമലയോടും തീർത്ഥാടകരോടുമുള്ള അവഹേളനമാണെന്ന് തിരുവിതാംകൂർ ദേവസ്വം ദേശീയ പ്രചാരസഭ. ആവശ്യമായ സേവനമൊരുക്കി മുഴുവൻ സർക്കാർ വകുപ്പുകളും നിലകൊള്ളുമ്പോൾ ആരോഗ്യവകുപ്പിന് മാത്രം എന്താണ് പ്രത്യേകതയെന്നും സഭ ചോദിച്ചു. രാഷ്ട്രീയ താല്പര്യം മുൻനിറുത്തിയുള്ള ഉത്തരവ് പിൻവലിക്കണമെന്നും ഇല്ലെങ്കിൽ ശക്തമായ പ്രക്ഷോഭം നടത്തുമെന്നും സഭ ചെയർമാൻ ആർ.ഷാജിശർമയും ജനറൽ കൺവീനർ ആനയറ ചന്ദ്രനും പ്രസ്താവനയിൽ അറിയിച്ചു.