പഴം, പച്ചക്കറി, സാലഡ് ദിനാഘോഷം

കൊല്ലം: വടക്കേവിള പഞ്ചായത്ത് എൽ.പി സ്കൂളിൽ പഴം, പച്ചക്കറി, സാലഡ് ദിനാഘോഷവും ഡിജിറ്റൽ സ്ക്വയർ ഉദ്ഘാടനവും വിദ്യാർത്ഥികളുടെ വിവിധ മത്സരങ്ങളും പത്ത് ദിവസം നീണ്ടു നിൽക്കുന്ന കേരളപ്പി​റവി ആഘോഷങ്ങൾക്കും തുടക്കം കുറിച്ചു. ഇതോടനുബന്ധിച്ച് പഴം പച്ചക്കറി സാലഡ് ദിനാഘോഷം എഴുത്തുകാരനും സ്കൂൾ വികസന സമിതി പ്രസിഡന്റുമായ പട്ടത്താനം സുനിൽ ഉദ്ഘാടനം ചെയ്തു. പള്ളിമുക്ക് ഡിവിഷൻ കൗൺസിലർ ഷൈമ മഹീൻ ഡിജിറ്റൽ സ്ക്വയർ ഉദ്ഘാടനം നി​ർവഹി​ച്ചു. സ്കൂൾ എച്ച്.എം ഷൈജ മുഹമ്മദ് അദ്ധ്യക്ഷത വഹിച്ചു. പി.ടി​എ പ്രസിഡന്റ് നിയാസ്, ആർ. പ്രത്യക്ഷ, സൈനു തോമസ്, ആർ. ആര്യ, ആർ. രാജി, എസ്. സബീന, നിസാന നസീർ എന്നിവർ സംസാരിച്ചു.