ആത്മഹത്യാ വിരുദ്ധ സെമിനാർ നടത്തി

ചിറക്കടവ് : എസ്.ആർ.വി എൻ.എസ്.എസ്.വി.എച്ച്.എസ്.എസിൽ ചിറക്കടവ് പബ്ലിക് ലൈബ്രറി ആത്മഹത്യാ വിരുദ്ധ സെമിനാർ നടത്തി. ആത്മഹത്യക്കെതിരെയുള്ള ബോധവത്ക്കരണവും മാനസിക പിന്തുണയ്ക്കുള്ള വഴികളും സെമിനാറിൽ വിശദീകരിച്ചു. പ്രഥമാദ്ധ്യാപകൻ എ.ആർ.അനിൽകുമാർ ഉദ്ഘാടനം ചെയ്തു. കെ.സംഗീത, എം.എസ്.ശ്രീജ എന്നിവർ സെമിനാർ നയിച്ചു. കെ.സി.അനിൽകുമാർ, ബിനു ജി.നായർ, മഞ്ജുള, ബിനു എസ്.നായർ, അർജുൻ അനിൽ, ലൈബ്രറി സെക്രട്ടറി രാജേഷ് പൊൻകുന്നം തുടങ്ങിയവർ സംസാരിച്ചു.