ഗാന്ധിജയന്തി ദിനാചരണം

അന്തിനാട് : ഗാന്ധിജയന്തി ആഘോഷങ്ങളുടെ ഭാഗമായി മോഡൽ ലയൺസ് ക്ലബ് ഒഫ് പത്തനംതിട്ട എമിറേറ്റ്‌സിന്റെ നേതൃത്വത്തിൽ അന്തിനാട് ശാന്തിനിലയം സ്‌പെഷ്യൽ സ്‌കൂളിൽ വിവിധ പരിപാടികൾ സംഘടിപ്പിച്ചു. സ്‌കൂളിൽ ഫലവൃക്ഷത്തൈകളുടെ വിതരണവും, മുഴുവൻ കുട്ടികൾക്കും വാട്ടർ ബോട്ടിലുകളുടെ വിതരണവും ബോധവത്ക്കരണ ക്ലാസും നടന്നു. പരിപാടിയുടെ ഉദ്ഘാടനവും ക്ലാസും ഡോ.നിഷാ ജോസ് കെ. മാണി നിർവഹിച്ചു. സ്‌കൂൾ പ്രിൻസിപ്പൽ സിസ്റ്റർ ആനി ജോസ് അദ്ധ്യക്ഷത വഹിച്ചു. ലയൺസ് ജില്ലാ ചീഫ് പ്രോഗ്രാം കോ- ഓർഡിനേറ്റർ സിബി മാത്യു പ്ലാത്തോട്ടം മുഖ്യപ്രഭാഷണം നടത്തി.