പ്രതിഭകളെ ആദരിച്ചു

നന്മണ്ട: നോർത്ത് നന്മണ്ട മഹല്ലിൽ നിന്നും ഈ വർഷം വിവിധ പരീക്ഷകളിൽ വിജയംവരിച്ച പ്രതിഭകളെ ആദരിച്ചു. നന്മണ്ട ഗ്രാമ പഞ്ചായത്ത് പ്രസിഡന്റ് വിനിഷ ഷൈജു പരിപാടി ഉദ്ഘാടനം ചെയ്തു. പ്രമുഖ മൈന്റ് ട്യൂണർ സി എ റസാഖ് " ഹിയർ യുവർ ഓൺ സോങ്' എന്ന വിഷയത്തിൽ ക്ളാസെടുത്തു. നോർത്ത് നന്മണ്ട മഹല്ല് മുസ്‌ലിം ജമാഅത്തും എം.എസ്.എം നോർത്ത് നന്മണ്ട യൂണിറ്റും സംയുക്തമായി സംഘടിപ്പിച്ച പരിപാടിയിൽ മഹല്ല് പ്രസിഡന്റ് പി പി മൊയ്തീൻകോയ അദ്ധ്യക്ഷത വഹിച്ചു. ജനറൽ കൺവീനർ മുഹമ്മദ് കുന്നത്ത് സ്വാഗതവും എ. മൊയ്തീൻ കോയ നന്ദിയും പറഞ്ഞു.