സോഫ്റ്റ്ബോൾ ചാമ്പ്യൻഷിപ്പ്

കുന്ദമംഗലം: കോഴിക്കോട് ജില്ലാ സോഫ്റ്റ്ബോൾ അസോസിയേഷന്റെ ആഭിമുഖ്യത്തിൽ മുപ്പതാമത് ജില്ലാ ജൂനിയർ സോഫ്റ്റ്ബോൾ ചാമ്പ്യൻഷിപ് ആരംഭിച്ചു. കോഴിക്കോട് ജില്ലാ സോഫ്റ്റ് ബോൾ അസോസിയേഷൻ വൈസ് പ്രസിഡന്റ് കെ.പി വസന്തരാജൻ ഉദ്ഘാടനം ചെയ്തു. എൻ.പി തൻവീർ അദ്ധ്യക്ഷത വഹിച്ചു. എ.കെ മുഹമ്മദ് അഷറഫ്, പ്രജിത്ത് കുമാർ, അൻവർ സാദിക്, രാഹുൽ, കെ ഷിബിൻ, ഡോ. ഹിഷാം അബ്ദുള്ള, കെ അക്ഷയ് പ്രസംഗിച്ചു. ആൺകുട്ടികളുടെ വിഭാഗത്തിൽ എളേറ്റിൽ എം.ജെ ഹയർ സെക്കൻഡറി സ്കൂളും എസ്.ഐ.എച്ച്.എസ്.എസ് ഉമ്മത്തൂറും ഫൈനലിൽ പ്രവേശിച്ചു. പെൺകുട്ടികളുടെ വിഭാഗത്തിൽ റിക്രിയേഷൻ റാംപെയിലും ഡയമണ്ട് ഫീൽഡേഴ്സ് വടകരയും ഫൈനലിൽ പ്രവേശിച്ചു.