കോട്ടക്കൽ ജൂനിയർ റോയൽസ്  ക്ലബ്ബിന്റെ ജേഴ്സി  പ്രകാശനം

കോട്ടക്കൽ: ജില്ലയിൽ ഐ.പി.എൽ മാതൃകയിൽ നടക്കുന്ന ആദ്യ ഫ്യൂച്ചർ കപ്പ് ക്രിക്കറ്റ് ടൂർണമെന്റിൽ പങ്കെടുക്കുന്ന കോട്ടക്കൽ ജൂനിയർ റോയൽസ് ക്ലബ്ബിന്റെ ജേഴ്സി പ്രകാശനം ജില്ലാ ഒളിമ്പിക് അസോസിയേഷൻ പ്രസിഡന്റ് യു. തിലകൻ നിർവ്വഹിച്ചു. ഐ.പി.എൽ മാതൃകയിൽ പെരിന്തൽമണ്ണ ക്രിക്കറ്റ് സ്റ്റേഡിയത്തിൽ ഫെബ്രുവരി 16 മുതൽ 26 വരെ രാത്രിയും പകലുമായി നടക്കുന്ന
ടി20 മത്സരങ്ങൾക്കായി തിരഞ്ഞെടുക്കപ്പെട്ട 6 ടീമുകളിൽ കോട്ടക്കലിനെ പ്രതിനിധാനം ചെയ്യുന്ന ക്ലബ്ബാണ് ജൂനിയർ റോയൽസ് കോട്ടക്കൽ. ചടങ്ങിൽ ടീം മാനേജർ നസീഫ്, കോച്ച് എൻ.കെ. അനിൽകുമാർ, ടീം ഓണർ കെ.പി.ഷിബു, ടീം അംഗങ്ങൾ, ടീം അനലിസ്റ്റ് കെ. അശ്വിൻ, കെ. വിജയൻ, കെ.രജീഷ്, വി.സി.അമ്പിളി, ബാലമുരളി എന്നവർ പങ്കെടുത്തു.